*इमिनन्स पावर पब्लिक स्कूल येथे आषाढी एकादशीनिमित्त वारी सोहळा उत्साहात संपन्न*
नंदुरबार(प्रतिनिधी):-इमिनन्स पावर पब्लिक स्कूल येथे आषाढी एकादशीनिमित्त पारंपरिक वारी दिंडीचे आयोजन मोठ्या उत्साहात करण्यात आले. शाळेतील विद्यार्थ्यांनी वारकरी संप्रदायाची पारंपरिक वेशभूषा परिधान करून तसेच विठ्ठल आणि रखुमाई यांच्या वेशात सहभागी होत कार्यक्रमाची शोभा वाढवली. यावेळी शाळेतून पोलीस वसाहत परिसरात भव्य दिंडी काढण्यात आली. परिसरातील नागरिक व पालकांनी दिंडीचे उत्स्फूर्त स्वागत केले. विद्यार्थ्यांनी विठू माऊलीच्या भक्तिगीतांवर व भजनांवर सुंदर नृत्य सादर करून उपस्थितांची मने जिंकली.
कार्यक्रमादरम्यान शुभांगी गव्हाणे यांनी आषाढी एकादशीचे धार्मिक व सांस्कृतिक महत्त्व विद्यार्थ्यांना समजावून सांगितले. तसेच शाळेच्या चेअरमन सौ. योगिता माळी व संचालक मधुकर माळी यांनी विठ्ठल- रखुमाईची विधिवत आरती करून कार्यक्रमाची सांगता केली. या कार्यक्रमास शाळेच्या प्राचार्या सौ. शीतल घुगे, आकांक्षा तिवारी, जयश्री आव्हाड, तृप्ती गावित, सौ. मनीषा गावित, शुभांगी गव्हाणे, कु. निकिता पवार, कु. मानसी पवार, कु. सानिया मिर्झा, स्वप्नाली पाटील, कु. जागृती माळी, सौ. सीमा पाडवी, सौ. दीपाली माळी तसेच सौ. सुवर्णा गुरव यांनी उत्साहाने सहभाग नोंदवून कार्यक्रम यशस्वी करण्यासाठी सहकार्य केले. या वारी सोहळ्यामुळे विद्यार्थ्यांमध्ये भक्ती, संस्कृती, परंपरा आणि सामाजिक ऐक्याचे महत्त्व रुजविण्याचा संदेश देण्यात आला.