*कुणबी विकास सहकारी पतसंस्था मर्या., लांजा यांच्या  ‘ठेववृद्धी मास’ या विशेष योजनेचा उत्साहात*
लांजा(प्रतिनिधी):-कुणबी विकास सहकारी पतसंस्था मर्यादित लांजा यांच्या 'ठेववृध्दी मास' या विशेष योजनेचा शुभारंभ आज संस्थेच्या प्रधान कार्यालयात उत्साहपूर्ण वातावरणात  पार पडला. याप्रसंगी संस्थेचे अध्यक्ष चंद्रकांत परवडी, उपाध्यक्ष विलास दरडे, संचालक नंदकुमार आंबेकर, बाळकृष्ण जोशी, भालचंद्र कांबळे, मुख्य कार्यकारी अधिकारी संदीप डाफळे, शाखाधिकारी संतोष घडशी, तसेच संस्थेचे कर्मचारी, सभासद आणि हितचिंतक मोठ्या संख्येने उपस्थित होते.
यावेळी मान्यवरांच्या हस्ते ‘ठेववृद्धी मास’ अभियानाच्या पत्रकाचे प्रकाशन करण्यात आले. ‘100 कोटी ठेव संकलनाचे लक्ष्य’ निश्चित करून अधिकाधिक सभासद व ठेवीदारांनी संस्थेच्या आकर्षक ठेव योजनांचा लाभ घ्यावा, असे आवाहन संस्थेचे अध्यक्ष चंद्रकांत परवडी आणि उपाध्यक्ष विलास दरडे यांनी केले. तसेच संस्थेची सुरक्षित, विश्वासार्ह आणि सभासदाभिमुख सेवा लक्षात घेता या अभियानाला सभासद व नागरिकांकडून उत्स्फूर्त प्रतिसाद मिळेल असा विश्वास त्यांनी व्यक्त केला. संदीप डाफळे यांनी सर्व उपस्थितांचे आभार व्यक्त करून कार्यक्रमाचा समारोप केला.