*गणित पाय डे देवरे विद्यालय साजरा*
नंदुरबार(प्रतिनिधी):-धंगाई विधायक कार्य मंडळाचे विखरण (ता. नंदुरबार) येथील आत्माराम धवळू देवरे माध्यमिक विद्यालयात भारतीय पाय (π)दिवस साजरा करण्यात आला. कार्यक्रमाच्या अध्यक्षस्थानी विद्यालयाचे मुख्याध्यापक डी. डी.साळुंके तर प्रमुख अतिथी गणित शिक्षक एम.डी.नेरकर होते. अध्यक्ष व वर्ग प्रतिनिधींच्या हस्ते श्रीनिवास रामानुजन यांच्या प्रतिमेचे पूजन करून कार्यक्रमाला सुरुवात करण्यात आली. गणित शिक्षक एम.डी.नेरकर यांनी π (पाय) दिवस म्हणजे काय? π आपल्या जीवनात कुठे आहे? हा दिवस का साजरा करावा ? या विषयी सविस्तर माहिती सांगितली. अध्यक्षांनी आपल्या मनोगतातून ‘पाय डे’ हा प्रत्येक विद्यार्थ्याने,शिक्षकाने आणि पालकाने उत्साहाने साजरा करावा. कारण गणितावर प्रेम करणारा विद्यार्थी केवळ परीक्षेत यशस्वी होत नाही, तर तो जीवनातील प्रत्येक समस्येकडे विचारपूर्वक, वैज्ञानिक दृष्टिकोनातून आणि आत्मविश्वासाने पाहायला शिकतो. कार्यक्रमाचे सूत्रसंचालन डॉ. आर.आर.बागुल तर आभारप्रदर्शन एम.एस.मराठे यांनी केले. कार्यक्रमाच्या यशस्वीतेसाठी सी. व्ही. नांद्रे,डी.बी. भारती, वाय.डी. बागुल,ए.एस.बेडसे, एस.एच. गायकवाड, व्ही. बी. अहिरे, एच. एम. खैरनार आदींनी संयोजन व सहकार्य केले.