*वटसावित्री पौर्णिमेनिमित्त ठाणेपाडा येथे 104 वटवृक्षांची लागवड*
नंदुरबार(प्रतिनिधी):-वटसावित्री पौर्णिमेच्या निमित्ताने वन विभाग, नंदुरबार यांच्या वतीने नियतक्षेत्र ठाणेपाडा, कक्ष क्र.139 येथे 101 वटवृक्षांच्या रोपांची लागवड उत्साहपूर्ण वातावरणात करण्यात आली.उपवनसंरक्षक, नंदुरबार संतोष सस्ते यांच्या मार्गदर्शनाखाली तसेच सहाय्यक वनसंरक्षक रोशन बुवा यांच्या संकल्पनेतून हा उपक्रम राबविण्यात आला. वृक्षसंवर्धन, पर्यावरण संरक्षण आणि हरित वारसा जपण्याच्या उद्देशाने आयोजित करण्यात आलेल्या या कार्यक्रमाला ग्रामस्थांचा उत्स्फूर्त प्रतिसाद लाभला. या कार्यक्रमास वनपरिक्षेत्र अधिकारी नितीन वाघ, ठाणेपाडा गावचे सरपंच विशाल पवार, संयुक्त वन व्यवस्थापन समितीचे अध्यक्ष यशवंत पवार, गावातील महिला, ग्रामस्थ तसेच नंदुरबार वनपरिक्षेत्रातील अधिकारी व कर्मचारी मोठ्या संख्येने उपस्थित होते. यावेळी उपस्थितांना वटवृक्षाचे धार्मिक, सांस्कृतिक व पर्यावरणीय महत्त्व समजावून सांगण्यात आले. वृक्षलागवड करून त्यांचे संगोपन करणे ही प्रत्येक नागरिकाची सामूहिक जबाबदारी असून, पर्यावरण संतुलन राखण्यासाठी वृक्षसंवर्धन अत्यंत आवश्यक असल्याचे मार्गदर्शन करण्यात आले.
कार्यक्रमाच्या शेवटी उपस्थितांनी लावलेल्या सर्व रोपांचे नियमित संगोपन व संरक्षण करण्याचा संकल्प केला. वन विभाग, नंदुरबार