ताजा खबरे:
*प्राथमिक आरोग्य केंद्रांतर्गत हरणखुरी व भुजगाव येथे पल्स पोलिओ लसीकरण अभियान उत्साहात संपन्न,0 ते 5 वयोगटातील बालकांना पोलिओ प्रतिबंधक लस*
*विकासाचा ध्यास, जनसेवेचा श्वास, खानदेशाच्या पहिल्या महिला खासदार डॉ.हिना विजयकुमार गावित यांना वाढदिवसानिमित्त अभिष्टचिंतन*
*कर्जाच्या अंधारातून समृद्धीच्या पहाटेकडे, पुण्यश्लोक अहिल्यादेवी होळकर शेतकरी कर्जमुक्ती योजना 2026, बळीराजाच्या आयुष्यात नवा सूर्योदय*
*नंदुरबार जिल्ह्यातील पात्र शेतकऱ्यांना जुलैच्या दुसऱ्या आठवड्यापासून कर्जमुक्तीचा लाभ, पुण्यश्लोक अहिल्यादेवी होळकर शेतकरी कर्जमुक्ती योजना-2026 ची अंमलबजावणी अंतिम टप्प्यात; आधार प्रम
*अक्कलकुवा ते मोलगी सार्वजनिक रस्त्यावर ईटवाई बसस्थानक जवळ स्पोटर्स मोटार सायकलवर धोकादायक स्टंटबाजी करताना एक व्हिडीओ प्रसारित, व्हिडीओची गंभीर दखल घेत त्याच्याविरुध्द अक्कलकुवा पोली

*प्राथमिक आरोग्य केंद्रांतर्गत हरणखुरी व भुजगाव येथे पल्स पोलिओ लसीकरण अभियान उत्साहात संपन्न,0 ते 5 वयोगटातील बालकांना पोलिओ प्रतिबंधक लस*

  • देश-विदेश
  • व्यवसाय
  • मनोरंजन
  • राजनीति
  • विशेष बातमी
  • थोडक्यात बातमी
  • स्लाइडर
  • खेळ
  • आध्यात्मिकता
  • आरोग्य
  • ठळक बातम्या

*प्राथमिक आरोग्य केंद्रांतर्गत हरणखुरी व भुजगाव येथे पल्स पोलिओ लसीकरण अभियान उत्साहात संपन्न,0 ते 5 वयोगटातील बालकांना पोलिओ प्रतिबंधक लस*

*प्राथमिक आरोग्य केंद्रांतर्गत हरणखुरी व भुजगाव येथे पल्स पोलिओ लसीकरण अभियान उत्साहात संपन्न,0 ते 5 वयोगटातील बालकांना पोलिओ प्रतिबंधक लस*
धडगाव(प्रतिनिधी):-शासनाच्या राष्ट्रीय पल्स पोलिओ लसीकरण अभियानांतर्गत प्राथमिक आरोग्य केंद्राच्या मार्गदर्शनाखाली ग्रामपंचायत भुजगाव अंतर्गत येणाऱ्या हरणखुरी व भुजगाव या गावांमध्ये पल्स पोलिओ लसीकरण अभियान यशस्वीरीत्या राबविण्यात आले. या अभियानाला पालकांचा उत्स्फूर्त प्रतिसाद लाभला असून, 0 ते 5वर्षे वयोगटातील बालकांना पोलिओ प्रतिबंधक लसीचे दोन थेंब पाजण्यात आले.
पोलिओसारख्या गंभीर आजाराचे संपूर्ण उच्चाटन करण्याच्या उद्देशाने शासन दरवर्षी राष्ट्रीय पल्स पोलिओ अभियान राबविते. त्याचाच एक भाग म्हणून या मोहिमेअंतर्गत गावागावांत जनजागृती करण्यात आली. आरोग्य विभागाचे अधिकारी, कर्मचारी, आशा स्वयंसेविका, अंगणवाडी सेविका तसेच ग्रामपंचायतीच्या सहकार्याने पालकांना पोलिओ लसीकरणाचे महत्त्व समजावून सांगण्यात आले.
अभियानादरम्यान गावातील प्रत्येक कुटुंबापर्यंत पोहोचून 0 ते 5 वर्षे वयोगटातील एकही बालक लसीकरणापासून वंचित राहू नये, यासाठी विशेष प्रयत्न करण्यात आले. घरभेटी, जनजागृती, तसेच लसीकरण केंद्रांवर आवश्यक सुविधा उपलब्ध करून देण्यात आल्या. त्यामुळे पालकांनी मोठ्या संख्येने आपल्या पाल्यांना लसीकरणासाठी आणून अभियानाला यश मिळवून दिले.
आरोग्य विभागाच्या कर्मचाऱ्यांनी सांगितले की, पोलिओ हा आजार टाळण्यासाठी प्रत्येक बालकाला वेळेवर पोलिओचे दोन थेंब देणे अत्यंत आवश्यक आहे. नियमित लसीकरणासोबतच राष्ट्रीय पल्स पोलिओ अभियानातही प्रत्येक पालकाने आपल्या मुलांना लस देणे गरजेचे आहे. नागरिकांच्या सक्रिय सहभागामुळे हे अभियान यशस्वी ठरले. या उपक्रमासाठी प्राथमिक आरोग्य केंद्राचे वैद्यकीय अधिकारी, आरोग्य कर्मचारी, आशा स्वयंसेविका, अंगणवाडी सेविका, ग्रामपंचायत पदाधिकारी तसेच ग्रामस्थांनी मोलाचे सहकार्य केले. ग्रामपंचायत भुजगावचे सरपंच अर्जुन पावरा यांनी सांगितले, "पोलिओमुक्त भारताचे स्वप्न साकार करण्यासाठी शासन राबवत असलेल्या प्रत्येक आरोग्य उपक्रमात ग्रामपंचायत नेहमीच सक्रिय सहकार्य करत राहील. हरणखुरी आणि भुजगाव येथील पालकांनी या अभियानाला दिलेला उत्स्फूर्त प्रतिसाद कौतुकास्पद आहे. कोणतेही बालक लसीकरणापासून वंचित राहू नये, ही प्रत्येक पालकाची जबाबदारी आहे. भविष्यातही आरोग्य, स्वच्छता आणि जनजागृतीशी संबंधित सर्व योजनांमध्ये ग्रामपंचायत नागरिकांच्या सहकार्याने प्रभावीपणे काम करत राहील."