*डी.फार्मसीत शताब्दी इन्स्टिट्यूटची शंभर टक्के यशाची परंपरा कायम*
नंदुरबार(प्रतिनिधी):-शकुंतला पाटील बहुउद्देशीय संस्थेच्या शताब्दी इन्स्टिट्यूट ऑफ फार्मसीने यंदाच्या डी.फार्मसी परीक्षेत 100 टक्के निकालाची चमकदार कामगिरी करत शैक्षणिक गुणवत्तेचा ठसा उमटविला आहे. प्रथम व द्वितीय वर्षातील सर्व विद्यार्थी यशस्वी ठरल्याने संस्थेच्या यशाच्या शिरपेचात आणखी एक मानाचा तुरा खोवला गेला आहे. प्रथम वर्ष डी.फार्मसी परीक्षेत अल्फेझ झकीर खा याने 79.80 टक्के गुणांसह प्रथम क्रमांक पटकावत यशाचा मान मिळविला. तडवी अंकिता मोहन (76.80 टक्के) हिने द्वितीय क्रमांक मिळविला. पावरा सोमनाथ हिरालाल आणि पिंजारी रय्यान अहमद यांनी प्रत्येकी 76.60 टक्के गुणांसह संयुक्त तृतीय क्रमांक पटकावला. बच्छाव प्रियांका चंदू (75.90 टक्के) चौथ्या तर देवरे राजन महेश (75.70 टक्के) पाचव्या स्थानावर राहिले.
द्वितीय वर्ष डी. फार्मसी परीक्षेत विशाल भामरे याने 70.55 टक्के गुण मिळवून प्रथम क्रमांक संपादन केला. निलेश ठाकरे (70.46 टक्के) द्वितीय, कल्याणी नगराळे (70 टक्के) तृतीय, आदित्य रामोळे (69.27 टक्के) चतुर्थ आणि पाडवी जगदीश (69.18 टक्के) पाचव्या क्रमांकावर राहिले.
या यशामागे डी.फार्मसी विभागातील सर्व प्राध्यापक व शिक्षकांचे मार्गदर्शन आणि विद्यार्थ्यांची सातत्यपूर्ण मेहनत असल्याचे संस्थेने नमूद केले. विद्यार्थ्यांच्या उल्लेखनीय कामगिरीबद्दल संस्थेच्या अध्यक्षा श्रीमती योगिता गणेश पाटील, सचिव गणेश गोविंद पाटील तसेच प्राचार्य डॉ. पंकज एम. चौधरी यांनी विद्यार्थ्यांचे अभिनंदन करून त्यांच्या उज्ज्वल भविष्यासाठी शुभेच्छा दिल्या
शताब्दी इन्स्टिट्यूट ऑफ फार्मसीचा हा शंभर टक्के निकाल संस्थेच्या गुणवत्तापूर्ण शिक्षणाची आणि विद्यार्थीकेंद्री शैक्षणिक वातावरणाची साक्ष देणारा ठरला आहे.