*आग्रा पॅरा डार्ट्स स्पर्धेत ओशिवळे मसूरकरवाडीचे  सुपुत्र राजन भर्तवला कांस्यपदक*
राजापूर(प्रतिनिधी):-उत्तर प्रदेश मधील आग्रा येथे आयोजित करण्यात आलेल्या राष्ट्रीय स्तरावरील पॅरा डार्ट्स स्पर्धेत राजापूर तालुक्यातील ओशिवळे मसूरकरवाडीचे सुपुत्र आणि मुंबईत गोरेगाव येथे वास्तव्यास असलेले राजन हरिश्चंद्र भर्तव यांने उल्लेखनीय कामगिरी करत कांस्यपदक पटकावले. त्यांच्या यशामुळे मुंबई उपनगरासह ओशिवळे मसूरकरवाडीचे नाव उज्वल केले आहे अत्यंत प्रतिकूल परिस्थितीतही सातत्यपूर्ण मेहनत, चिकाटी आणि जिद्दीच्या जोरावर राजन भर्तव यांने राष्ट्रीय स्पर्धेत आपले कौशल्य सिद्ध केले. देशभरातील नामांकित खेळाडूमध्ये त्यांने केलेली कामगिरी कौतुकास्पद आहे राजन भर्तव यांच्या यशाबद्दल त्याच्यावर अभिनंदनाचा वर्षाव होत असून क्रिडा क्षेत्रातील मान्यवर, सामाजिक संस्था आणि स्थानिक नागरिकांकडून त्यांचे कौतुक होत आहे.