*स्वातंत्र्यवीर सावरकरांना बालवीर चौकात अभिवादन*
नंदुरबार(प्रतिनिधी):-हिंदुस्थानच्या स्वातंत्र्यासाठी  जुलमी ब्रिटिशांशी लढा देऊन आपले संपूर्ण आयुष्य देशासाठी समर्पित करणारे थोर स्वातंत्र्यवीर विनायक दामोदर सावरकर यांच्या 143 व्या जयंतीनिमित्त शहीद शिरीषकुमार मित्र मंडळातर्फे गुरुवार 28 मे रोजी  अभिवादन करण्यात आले. बालवीर चौकात आयोजित अभिवादन कार्यक्रमात स्वातंत्र्यवीर विनायक दामोदर  सावरकर यांच्या प्रतिमेस ट्रिपल बम महादेव मंदिराचे सेवेकरी बाबूलाल भोई यांनी पुष्पार्पण केले. याप्रसंगी शहिद शिरीषकुमार मित्र मंडळाचे संस्थापक अध्यक्ष महादू हिरणवाळे यांनी स्वातंत्र्यवीर सावरकर यांच्या अभूतपूर्व कार्याला उजाळा दिला. अभिवादन कार्यक्रमास मंडळाचे जेष्ठ सल्लागार निवृत्त शिक्षक जी. एस. गवळी, कार्याध्यक्ष संभाजी हिरणवाळे, नंदू भोई, शेखर चौधरी, नितीन तावडे, नरेंद्र हिरणवाळे, विशाल हिरणवाळे, यांच्यासह राष्ट्रप्रेमी नागरिक उपस्थित होते.