*दिव्यांगांच्या आरोग्य तपासणीसाठी जिल्ह्यात विशेष मोफत शिबिरे,आवश्यक सहाय्यक साहित्यही मिळणार विनामूल्य*
नंदुरबार(प्रतिनिधी):-नंदुरबार जिल्ह्यातील दिव्यांग बांधवांची आरोग्य तपासणी करून आवश्यक सहाय्यक साहित्य मोफत उपलब्ध करून देण्यासाठी तालुकानिहाय विशेष शिबिरांचे आयोजन करण्यात आले आहे. समाज कल्याण विभागामार्फत आयोजित या शिबिरांमध्ये दिव्यांगांची आरोग्य तपासणी करून आवश्यकतेनुसार साहित्य वाटप करण्यात येणार असल्याची माहिती जिल्हा समाज कल्याण अधिकारी सुंदरसिंग वसावे यांनी दिली आहे. 
शिबिरांमध्ये सहभागी होण्यासाठी दिव्यांग बांधवांनी आधारकार्ड सोबत आणणे आवश्यक असून तपासणीनंतर लागणारे साहित्य मोफत स्वरूपात देण्यात येणार आहे.
तालुकानिहाय शिबिरांचे वेळापत्रक पुढीलप्रमाणे,
नंदुरबार 30 ते 31 मे 2026 रोजी सकाळी 11 ते सायंकाळी 5.30 वाजेपर्यंत, एस. ए. मिशन हायस्कूल हॉल, नंदुरबार.
तळोदा 2 व 3 जून 2026 रोजी सकाळी 11 ते सायंकाळी 5.30 वाजेपर्यंत, जैन मंदिर, गणपती रोड, तळोदा. नवापूर 5 व 6 जून 2026 रोजी सकाळी 11 ते सायंकाळी 5.30 वाजेपर्यंत, अग्रवाल समाज मंदिर, विसरवाडी रोड, नवापूर. व नगरपालिका टाऊन हॉल, नवापूर,
अक्कलकुवा 8 व 9 जून 2026 रोजी सकाळी 11 ते सायंकाळी 5.30 वाजेपर्यंत, जैन मंदिर खटवाणी रोड, अक्कलकुवा.
अक्राणी 11 व 12 जून 2026 रोजी सकाळी 11 ते सायंकाळी 5.30 वाजेपर्यंत, एस. व्ही. ठक्कर कॉलेज  बाजार स्टँड जवळ, अक्राणी. शहादा 14 व 15 जून 2026 रोजी सकाळी 11 ते सायंकाळी 5.30 वाजेपर्यंत, हॉटेल जैन प्लाझा, शहादा. भगवान महावीर विकलांग सहाय्यता समिती जयपूर फुट, नवी दिल्ली यांच्यामार्फत होणाऱ्या या शिबिरांत जिल्ह्यातील अधिकाधिक दिव्यांग बांधवांनी या मोफत आरोग्य तपासणी व सहाय्यक साहित्य वितरण शिबिरांचा लाभ घ्यावा, असे आवाहन समाज कल्याण विभागामार्फत करण्यात आले आहे.