*दहिवेल येथे नवीन पोस्ट ऑफिसचे उद्घाटन*
साक्री(प्रतिनिधी):-20 मे 2026 रोजी दहिवेल येथे नवीन पोस्ट ऑफिसचे उद्घाटन. दहिवेल परिसरातील बोधगाव, खराडबारी, चौपाळे, राईनपाडा, नवापाडा देवीजीपाडा, शिरसोले, रोहड या गावाचा यापूर्वी पिनकोड 424304 होता, परंतु आता नव्याने 424312 झाला असून, यासाठी नवीन पोस्ट ऑफिसचे उद्घाटन आज रोजी करण्यात आले. पोस्टमास्टर जनरल छत्रपती संभाजी नगर यांच्या आदेशान्वे नवीन सब पोस्ट ऑफिसचा शुभारंभ करण्यात आला. सदर पोस्ट ऑफिस दहिवेल गावात व्हावे यासाठी नंदुरबार लोकसभेचे खासदार अँड गोवाल पाडवी यांच्या सूचनेनुसार पोस्ट ऑफिसला मंजुरी मिळाली असून या पोस्ट ऑफिसची मागणी दहिवेल गावाचे उपसरपंच व पंचायत समिती सदस्य संगीता गणेश गावित, कन्हैयालाल माळी, डॉ.अनिल पवार यांनी मागणी केली होती, तसेच तात्काळ नंदुरबार लोकसभेचे खासदार गोवाल पाडवी यांनी दखल घेऊन मंजुरी मिळवून दिल्याबद्दल ग्रामस्थांमध्ये आनंद व्यक्त होत आहे. सदर कार्यक्रमासाठी दहिवेल गावाचे लोकनियुक्त सरपंच प्रकाश वळवी यांच्या हस्ते या कार्यक्रमाच्या उद्घाटन करण्यात आले, यावेळी उपसरपंच नंदकिशोर महाले, सामाजिक कार्यकर्ता गणेश गावित, अनिल पवार व ग्रामपंचायत सदस्य व गावातील ज्येष्ठ श्रेष्ठ नागरिक व गावातील प्रतिष्ठित नागरिक उपस्थित होते. दहिवेल ऑफिसला नव्याने कर्मचारी आरसी गावित यांची नियुक्ती करण्यात आली असून तरी भारत सरकार मार्फत राबविल्या जाणाऱ्या विविध योजना पोस्ट ऑफिस विभागाकडून लाभ घ्यावा असे आवाहन करण्यात आले आहे.