*तक्रार निवारण दिनी" जिल्हयातील तक्रारदारांच्या एकुण 121 तक्रारींचे तात्काळ निवारण*
नंदुरबार(प्रतिनिधी):-नंदुरबार जिल्हयात आज रोजी सर्व पोलीस ठाणे स्तरावर "तक्रार निवारण दिनाचे" आयोजन करण्यात आले होते. सदर उपक्रमामध्ये नागरिकांनी विविध प्रकारच्या तक्रारी व समस्या मांडल्या. पोलीस प्रशासनामार्फत प्राप्त तक्रारींची गांभीर्याने दखल घेऊन तात्काळ कार्यवाही करण्यात आली. जिल्हयातील सर्व पोलीस ठाण्यांमध्ये एकुण 121 तक्रारींचे तात्काळ निवारण करण्यात आले आहे. तक्रार निवारण दिनाच्या माध्यमातून नागरिकांना त्यांच्या समस्या थेट पोलीस प्रशासनापुढे मांडण्याची संधी उपलब्ध होत असुन पोलीस व नागरिक यांच्यातील समन्वय अधिक दृढ करण्यासाठी हा उपक्रम प्रभावी ठरत आहे. "तरी यापुढे देखील प्रत्येक शनिवारी सर्व पोलीस ठाण्यांमध्ये "तक्रार निवारण दिनाचे" आयोजन करण्यात येणार असुन नागरिकांनी आपल्या समस्या संबंधित पोलीस ठाण्यात मांडाव्यात. " असे आवाहन यावेळी जिल्हा पोलीस दलातर्फे करण्यात येत आहे.