*के.आर.पब्लिक स्कुलमध्ये गुणवंत विद्यार्थ्यांचा सत्कार*
नंदुरबार(प्रतिनिधी):-श्री स्वामी समर्थ विद्यानिकेतन संचलित के. आर. पब्लिक स्कुल व ज्यु.कॉलेज नंदुरबार येथे दि.16 मे 2026 रोजी 12 वी विज्ञान व वाणिज्यचा सर्व गुणवंत विद्यार्थ्यांचा सत्कार संस्थेचे उपध्यक्ष सिध्दार्थ वाणी यांच्या हस्ते करण्यात आला. सदर कार्यक्रमास गुणवंत विद्यार्थी पालकांसह उपस्थित होते त्यात जिल्हयात विज्ञान शाखेतुन प्रथम क्रमांक प्राप्त  केलेला. विशाल गुलाब सिंह 90.80 % प्रथम व वाणिज्य शाखेतुन जिल्हयात  प्रथम पायल भरत खंडेलवाल 91.60 % प्रथम यांचा सत्कार करण्यात आला. विज्ञान शाखेचे हितेश भिमाभाई चौधरी 86.00 % द्वितीय, व वाणिज्य शाखेतुन सिमोन नरेशकुमार झामनानी 90.20 % द्वितीय आणि नैना पंकज कौशीक 88.80 % तृतीय यांचा सत्कार करण्यात आला. तदनंतर विज्ञान शाखेचे जुही अनिल राजपुत 84.00 % तृतीय, यशश्री देवराम गावीत 83.80% चौथी,  शौर्य यज्ञेश सोनी 82.40% पाचवा  यांचा सत्कार करण्यात आला. 
तसेच त्यांच्या या उत्कृष्ट यशा बद्दल संस्थेचे चेअरमन किशोर वाणी, यांनी विद्यार्थ्यांचे  अभिनंदन व कौतुक केले. त्यांना भावीजिवनासाठी खुप खुप शुभेच्छा दिल्या. सदर कार्यक्रमास संचालिका सौ. केतकीबेन वाणी, प्राचार्य डॉ. छाया शर्मा, नदीम शेख,  संतोष कुलकर्णी समन्वयिका सौ. प्रिझा एस. उपस्थित होते.