*अंगणवाडी कर्मचारी प्रतिनिधिचे 18 मे रोजी आयुक्त कार्यालय रायगड भवन,बेलापूर नवी मुंबई समोर धरणे आंदोलन*
नंदुरबार(प्रतिनिधी):- महाराष्ट्र राज्य अंगणवाडी कर्मचारी समन्वय समिती, अंगणवाडी कर्मचारी प्रतिनिधिचे 18 मे 2026 रोजी आयुक्त कार्यालय रायगड भवन, बेलापूर नवी मुंबई समोर धरणे आंदोलन. राज्यातील अंगणवाडी सेविका मदतनीसांना मार्च 2026 चे केंद्र हिस्सा मानधन तसेच एप्रिल 2026 चे नियमित मानधन अदा करून त्यांची आणि त्यांच्या कुटुंबियांची उपासमार थांबवा.
अंगणवाडी सेविका मदतनीसांना कामावर आधारित प्रोत्साहन भत्ता न देता दरमहा सरसकट लागू करावा. अंगणवाडी सेविका मदतनीसांना उन्हाळी सुट्टी 16-16 दिवसांऐवजी संपूर्ण एक महिना लागू करावी. यांसह अन्य प्रलंबित मागण्या मंजूर कराव्यात या मागणीसाठी महाराष्ट्र राज्य अंगणवाडी कर्मचारी समन्वय समितीच्या नेतृत्वाखाली आयुक्त, एकात्मिक बालविकास सेवा योजना, रायगड भवन, बेलापूर नवी मुंबई समोर सेविका मदतनीसांचे प्रतिनिधी धरणे आंदोलन करणार आहेत. तरी सदर धरणे आंदोलनात प्रतिनिधिनी शंभर टक्के भागीदारी करून यशस्वी करावे असे आवाहन राज्य समन्वय समितीचे निमंत्रक युवराज बैसाणे, जयश्री वाबळे, संजय मापले, रामकृष्ण बी. पाटील, राजू पाटील यांनी प्रसिद्धी पत्रान्वये केले आहे.