*जिल्ह्यातील आदिवासी विद्यार्थ्यांना,नामांकित इंग्रजी शाळांत प्रवेशासाठी अर्ज प्रक्रिया सुरू*
नंदुरबार(प्रतिनिधी):-एकात्मिक आदिवासी विकास प्रकल्प, नंदुरबार आणि तळोदा अंतर्गत येणाऱ्या सहा तालुक्यातील अनुसूचित जमातीच्या (ST) विद्यार्थ्यांसाठी एक सुवर्णसंधी उपलब्ध झाली आहे. शैक्षणिक वर्ष 2026-27 साठी शहरातील नामांकित इंग्रजी माध्यमाच्या निवासी शाळांमध्ये इयत्ता पहिलीच्या प्रवेशासाठी अर्ज मागवण्यात येत आहेत. या तालुक्यांतील विद्यार्थ्यांना मिळणार लाभ
नंदुरबार प्रकल्पांतर्गत नंदुरबार, नवापूर व शहादा आणि तळोदा प्रकल्पांतर्गत धडगाव, अक्कलकुवा व तळोदा या तालुक्यातील विद्यार्थी या योजनेसाठी पात्र आहेत. वयोमर्यादा आणि पात्रता, विद्यार्थ्याचे वय 31 डिसेंबर 2026 रोजी 6 वर्षे पूर्ण असावे.
विद्यार्थ्याचा जन्म 15 डिसेंबर 2019 ते 31 डिसेंबर 2020 या दरम्यान झालेला असावा. पालकांचे वार्षिक उत्पन्न 01 लाखापेक्षा जास्त नसावे. (दाखल्याची सत्य प्रत जोडावी) पाल्य अनुसूचित जमातीचा (ST) असावा. महत्त्वाच्या तारखा आणि अर्ज प्रक्रिया, अर्ज वाटप, नंदुरबार प्रकल्प कार्यालयात 27 एप्रिल 2026 पासून, तर तळोदा प्रकल्प कार्यालयात 4 मे 2026 पासून अर्जांचे मोफत वाटप सुरू झाले आहेत. अर्ज जमा करण्याची शेवटची तारीख, 20 मे 2026 (सायंकाळी 6 वाजेपर्यंत). अर्ज मिळण्याचे ठिकाण, संबंधित एकात्मिक आदिवासी विकास प्रकल्प कार्यालय (नंदुरबार/ तळोदा).
आवश्यक कागदपत्रे,
अर्जासोबत जातीचा दाखला, रहिवासी पुरावा, उत्पन्नाचा दाखला (वर्ष 2025-26), विद्यार्थ्याचे वैद्यकीय प्रमाणपत्र, विद्यार्थी दारिद्य रेषेखालील असल्यास दाखल्याची प्रत, अनाथ/अपंग असल्यास दाखल्याची प्रत, आधार कार्ड (विद्यार्थी व आई -वडील), पासपोर्ट फोटो आणि जन्मतारखेचा ऑनलाइन दाखला जोडणे अनिवार्य आहे. महिला पालक विधवा/घटस्पोटीत/निराधार/परितक्त्या असल्यास ग्रामपंचायतीचा दाखला जोडावा. शासकीय किंवा निमशासकीय सेवेत असलेल्या पालकांच्या पाल्यांना या योजनेचा लाभ घेता येणार नाही. मुदतीनंतर आलेले अर्ज स्वीकारले जाणार नाहीत, असे आवाहन प्रकल्प अधिकारी अनय नावंदर (तळोदा) आणि डॉ. चंद्रकांत पवार (नंदुरबार) यांनी केले आहे.