*गिनीज वर्ल्ड रेकॉर्डमध्ये मालाडच्या मुलींची दमदार झेप*
मालाड(प्रतिनिधी):-येथील कुरार व्हिलेज परिसरातील दोन होतकरू विद्यार्थिनींनी आंतरराष्ट्रीय पातळीवर इतिहास रचत संपूर्ण परिसराचा अभिमान उंचावला आहे. सानवी वैशाली आनंद झिंगाडे आणि नेत्रा सारिका विजय परब यांनी हैदराबाद येथे पार पडलेल्या Guinness World Record – Largest Karate Display या भव्य आणि प्रतिष्ठित उपक्रमात सहभाग घेत उल्लेखनीय कामगिरी केली. या उज्ज्वल यशामागे त्यांचे मार्गदर्शक क्योशी विजय शिगवण यांचे भक्कम मार्गदर्शन लाभले. दोन्ही विद्यार्थिनी ओकिनावा मार्शल आर्ट्स या संस्थेच्या प्रशिक्षणाखाली सातत्यपूर्ण मेहनत घेत आहेत. सानवी ही ए. व्ही. एम. हायस्कूल मधील विद्यार्थिनी असून, अल्पवयातच तिने क्रीडा क्षेत्रात आपली वेगळी ओळख निर्माण केली आहे.तर नेत्रा ही DTSS (Sanskar College) ची विद्यार्थिनी असून, तिनेही आपल्या उत्कृष्ट कामगिरीने सर्वांचे लक्ष वेधून घेतले आहे.या दोन्ही विद्यार्थिनींनी आपल्या प्रभावी सादरीकरणातून केवळ आपल्या कुटुंबाचा नव्हे, तर संपूर्ण कुरार व्हिलेज (मालाड) परिसराचा गौरव वाढवला आहे.
या ऐतिहासिक यशाबद्दल पालक, शिक्षक आणि स्थानिक नागरिकांकडून त्यांचे कौतुकाचा वर्षाव होत आहे. आमच्या सरांचे मार्गदर्शन आणि पालकांचा मजबूत पाठिंबा यामुळेच हे यश शक्य झाले. पुढेही आम्ही देशाचे नाव अधिक उंचावर नेण्याचा प्रयत्न करू असे विद्यार्थिनींनी अभिमानाने सांगितले.
या यशस्वी कामगिरीमुळे मालाड (कुरार व्हिलेज) मधील स्थानिक सर्व मुला- मुलींमध्ये नवी ऊर्जा, आत्मविश्वास आणि प्रेरणा निर्माण झाली आहे.