*बामडोद येथील शताब्दी इन्स्टिट्यूट ऑफ फार्मसीमध्ये महामानव डॉ. बाबासाहेब आंबेडकर यांच्या जयंतीनिमित्त विनम्र अभिवादन*
नंदूरबार(प्रतिनिधी):-बामडोद येथील शताब्दी इन्स्टिट्यूट ऑफ फार्मसीमध्ये महामानव डॉ. बाबासाहेब आंबेडकर यांच्या जयंतीनिमित्त विनम्र अभिवादन करण्यात आले. या कार्यक्रमात प्राचार्य डॉ. पंकज चौधरी, शिक्षक, शिक्षकेतर कर्मचारी आणि विद्यार्थी मोठ्या संख्येने सहभागी झाले. ​​कार्यक्रमाची सुरुवात डॉ. बाबासाहेब आंबेडकर यांच्या प्रतिमेला पुष्पहार अर्पण करून आणि दीपप्रज्वलन करून करण्यात आली.
प्राचार्य यांनी आणि शिक्षकांनी डॉ. बाबासाहेबांच्या जीवनावर आणि त्यांनी देशाच्या संविधानासाठी, शिक्षण क्षेत्रासाठी व समाजासाठी दिलेल्या योगदानावर प्रकाश टाकला. अनेक विद्यार्थ्यांनी बाबासाहेबांच्या विचारांवर आपली मते मांडली आणि "शिक्षण हे वाघिणीचे दूध आहे" हा संदेश जीवनात उतरवण्याचा संकल्प केला.
​संस्थेच्या अध्यक्षा श्रीमंती योगिता गणेश पाटील, सेक्रेटरी श्री गणेश गोविंद पाटील यांनी विद्यार्थ्यांचे कौतुक केले. ​"शिक्षण हे परिवर्तनाचे सर्वात प्रभावी शस्त्र आहे." हाच विचार या जयंती उत्सवातून अधोरेखित करण्यात आला.