*एकलव्य विद्यालयात महात्मा फुले जयंती साजरी*
नंदुरबार(प्रतिनिधी):-एकलव्य विद्यालयात महात्मा फुले जयंतीनिमित्त अभिवादन कार्यक्रम घेण्यात आला. कार्यक्रमाच्या अध्यक्षस्थानी प्रसिद्ध बालरोग तज्ञ व भाजपा महिला मोर्चाच्या जिल्हाध्यक्ष डॉक्टर समिधा नटावदकर होत्या. कार्यक्रमाचे प्रमुख वक्ते अनिल खलाणे यांनी आपल्या संबोधनात महात्मा फुले यांच्या जीवनकार्याचा आढावा घेत असे समाज सुधारक शतकातून एकदाच जन्म घेतात व समाज परिवर्तनाचे अनमोल कार्य करतात. महात्मा फुले यांनी केवळ विचार न मांडता आपल्या कृतीद्वारे समाज परिवर्तन घडविले. समाजातील दुर्बल, शोषित, वंचित घटकांना मूळ प्रवाहात आणण्याचे काम केले. आजही महात्मा फुले यांच्या विचारांची समाजाला आवश्यकता आहे असे प्रतिपादन त्यांनी केले. याप्रसंगी व्यासपीठावर एकलव्य विद्यालयाचे मुख्याध्यापक धर्मेंद्र मराठे उप मुख्याध्यापक डॉ. गिरीश पवार, पर्यवेक्षक टिका पाडवी, प्राथमिक विद्या मंदिराचे मुख्याध्यापक सुनील खैरनार, ज्येष्ठ शिक्षक मिलिंद वडनगरे वसंत वसईकर उपस्थित होते. कार्यक्रमाचे सूत्रसंचालन प्रणाली बोरकर यांनी केले.