*महात्मा ज्योतिराव फुले यांच्या जयंतीनिमित्त 12 एप्रिल 2026 रोजी वक्तृत्व स्पर्धाचे आयोजन*
नंदुरबार(प्रतिनिधी):-महात्मा फुले फाउंडेशन, नंदुरबार यांच्या विशेष बैठकीत महात्मा ज्योतिराव फुले यांच्या जयंतीनिमित्त 12 एप्रिल 2026 रोजी वक्तृत्व स्पर्धा आयोजित करण्याचा महत्त्वपूर्ण निर्णय घेण्यात आला आहे. या स्पर्धेत जिल्ह्यातील विद्यार्थ्यांना मोठ्या संख्येने सहभागी होण्याचे आवाहन करण्यात आले आहे आहे. सदर स्पर्धा दिनांक 12 एप्रिल (रविवार) रोजी द्वारकाधीश मंदिर, नंदुरबार येथील सभागृहात दुपारी 3 वाजता आयोजित करण्यात येणार आहे. स्पर्धा दोन गटांमध्ये घेण्यात येणार असून, इयत्ता 5 वी ते 8 वी
विषय महात्मा फुले यांचे शैक्षणिक व सामाजिक कार्य,
इयत्ता 9 वी ते 12 वी विषय महात्मा फुलेंच्या विचारांची आजच्या काळातील गरज, दोन्ही गटांतील प्रथम पाच विजेत्या स्पर्धकांना आकर्षक पारितोषिके देण्यात येणार आहेत. तसेच सर्व विजेत्यांना मान्यवरांच्या हस्ते पारितोषिक वितरण करण्यात येईल. सहभागी प्रत्येक स्पर्धकाला प्रमाणपत्र देण्यात येईल. या कार्यक्रमाचे आयोजन महात्मा फुले फाउंडेशनच्या वतीने करण्यात येत असून, बैठकीत प्रा. जी.डी. महाजन,
सुरेश माळी, संजय देवरे, वासुदेव माळी, जगन्नाथ लोटन माळी, आर्किटेक्ट नरेंद्र जाधव, धनराज सोनवणे, अरुण महाजन, मधुकर माळी, पितांबर खैरनार, पुंडलिक महाजन, अविनाश माळी, रवींद्र माळी, सुकलाल महाजन आदी कार्यकर्ते उपस्थित होते.