*खांडबारा येथे नंदूरबार उपविभागीय पोलीस अधिकारी संजय महाजन यांचा सेवानिवृत्ती निमित्त सत्कार संपन्न*
खांडबारा(प्रतिनिधी):–नंदुरबार उपविभागीय पोलीस अधिकारी संजय महाजन यांच्या सेवानिवृत्ती निमित्त खांडबारा येथे भव्य सत्कार समारंभाचे आयोजन करण्यात आले होते. 35 वर्षे पोलीस सेवेत प्रामाणिकपणे व कर्तव्यदक्षतेने सेवा बजावून नागरिकांचा विश्वास संपादन करणाऱ्या संजय महाजन यांना यावेळी भावपूर्ण निरोप देण्यात आला.
या सत्कार समारंभास परिसरातील मान्यवर, पोलीस अधिकारी, कर्मचारी तसेच नागरिक मोठ्या संख्येने उपस्थित होते. कार्यक्रमाच्या सुरुवातीला संजय महाजन यांचे पुष्पगुच्छ, शाल, श्रीफळ व सन्मानचिन्ह देऊन गौरव करण्यात आला. उपस्थित मान्यवरांनी आपल्या मनोगतात संजय महाजन यांच्या कार्यकाळातील उल्लेखनीय कामगिरी, शिस्तप्रियता आणि जनतेशी असलेला सलोखा यांचा विशेष उल्लेख केला. आपल्या भाषणात संजय महाजन यांनी सेवाकाळातील आठवणींना उजाळा देत सहकारी अधिकारी, कर्मचारी व नागरिकांचे आभार मानले. “पोलीस सेवेत काम करताना लोकांचा विश्वास मिळवणे हेच माझ्यासाठी मोठे समाधान होते,” असे त्यांनी सांगितले.
कार्यक्रमादरम्यान अनेकांनी आपल्या भावना व्यक्त करत संजय महाजन यांच्या पुढील आयुष्यासाठी शुभेच्छा दिल्या. संपूर्ण वातावरण भावूक झाले होते.
याप्रसंगी ए पीआय नरेंद्र साबळे, पी एस आय देविदास वडगुले, उद्योगपती  किशोरी लाला अग्रवाल, प्रभारी सरपंच योगेश चौधरी, माजी सरपंच अविनाश गावित, गटनेते राजेंद्र अग्रवाल, शैलेश गावित ,हरेश चौधरी, विजय कोकणी, डॉ शरद कलाल, गणेश पाडवी, राहुल जयस्वाल, फारुख कादरी खलील बेलदार नासिर बागवान, अल्ताफ ईसाणी, ईल्यास ईसाणी, जितू जयस्वाल, शरीफ बागवान, मनोज चौधरी, आर बी वाघ, प्रतीक पाटील, आर्यन पाडवी, मिलिंद वसावे, हर्षद पठाण, वीरेंद्र ईशी, चतुर चौधरी, भूपेंद्र अग्रवाल, ग्रामपंचायत कर्मचारी
मान्यवर उपस्थित होते. कार्यक्रमाचे आयोजन स्थानिक नागरिक व मित्रपरिवार यांच्या वतीने करण्यात आले होते. शेवटी आभार प्रदर्शनाने कार्यक्रमाची सांगता झाली.