*नंदुरबार येथील एस ए चर्चमध्ये गुड फ्रायडे निमित्त भक्ती कार्यक्रम*
नंदुरबार(प्रतिनिधी):-गुड फ्रायडे निमित्त एस ए चर्च येथे आज सकाळी भक्ती कार्यक्रम घेण्यात आला यासाठी प्रमुख वक्त्या म्हणून भुसावळ येथील सुशिलाबाई पांडे यांनी उत्तम शुक्रवारच्या संदेश दिला. येशू ख्रिस्ताने मानव जातीसाठी जे वधस्तंभावर बलिदान केले त्याचे स्मरण म्हणून येशू ख्रिस्ताने वधस्तंभावर जे सात उद्गार काढले त्यात प्रामुख्याने क्षमेच्या उद्गार होते . यासोबत क्षमा, प्रीती, शांती ,आनंद, बंधुप्रेम, दया याबद्दल मार्गदर्शन केले. गुड फ्रायडे व उत्तम शुक्रवार चे महत्व पटवून दिले. येशू ख्रिस्ताच्या वधस्तंभावरील बलिदानामुळे पापांची क्षमा व सर्वकालीन जीवन सर्वांना प्राप्त झाले.
या भक्तीमध्ये एस ए चर्च चे अध्यक्ष डॉ राजेश वळवी, जे एच पठारे, अनुप वळवी, लाजरस वळवी, मार्थो सुतार, नूतनवर्षा वळवी, डॉ राजेश वसावे, दिलीप नाईक, सबस्टिंग जयकर यांच्यासह समाजबांधव उपस्थित होते. महिला मंडळाने गीत गायन केले.
शेवटी सामूहिक प्रार्थना करण्यात आली. यावेळी ख्रिस्ती समाज बांधव मोठ्या संख्येने उपस्थित होते.