*जिल्हा परिषद व पंचायत समिती निवडणुकीच्या पार्श्वभूमीवर कार्यकर्त्यांनी जोमाने कामाला लागा-माजी खासदार डॉ.हिना गावित*
अक्कलकुवा(प्रतिनिधी):-आगामी जिल्हा परिषद व पंचायत समिती निवडणुकीच्या पार्श्वभूमीवर कार्यकर्त्यांनी जोमाने कामाला लागा असे प्रतिपादन माजी खासदार डॉ. हिना गावित यांनी अक्कलकुवा तालुक्यातील देवगोई येथे  झालेल्या भारतीय जनता पक्षाचा  कार्यकर्ता मेळाव्याप्रसंगी केले.  यावेळी माजी जिल्हाध्यक्ष नागेश पाडवी, मोलगी मंडळ अध्यक्ष आकाश वसावे, माजी जिल्हा परिषद सदस्य किरसिंग वसावे, नितेश वळवी,  प्रताप वसावे, माजी पंचायत समिती सभापती रुषाबाई वळवी, माजी पंचायत समिती  सदस्य धनसिंग वसावे, अशोक राऊत, सुधीर पाडवी, किशोर वळवी, विनोद कामे, सांगल्या वसावे, सरपंच ज्योतीबाई तडवी, सरपंच किरण पाडवी, दिलीप वसावे, मनोज तडवी, रोशन वळवी, महेश तवर, अमृत चौधरी , बहादुरसिंग पाडवी  आदी उपस्थित होते. अक्कलकुवा तालुक्यातील देवगोई येथे भारतीय जनता पक्षाच्या कार्यकर्ता मेळावा नुकताच संपन्न झाला. यावेळी उपस्थित कार्यकर्त्यांना मार्गदर्शन करताना पुढे माजी खासदार डॉ. हिना गावित  यांनी मार्गदर्शन करताना पुढे सांगितले की,  पक्षाच्या वरिष्ठांकडून येणाऱ्या कार्यक्रमांचे आमचे तसेच विविध उपक्रमांचे योग्य नियोजन करून ते जबाबदारीने पार पाडावेत आगामी काळात जिल्हा परिषद व पंचायत समितीच्या निवडणुका होणार असल्याने पक्षाच्या पदाधिकाऱ्यांनी व स्थानिक लोकप्रतिनिधींनी सर्वसामान्य नागरिकांशी अधिकाधिक संपर्क साधून समस्या जाणून घेऊन त्या सोडविण्याचे परिपूर्ण प्रयत्न करावेत केंद्र व राज्य शासनाच्या कल्याणकारी योजनांची माहिती द्यावी यावेळी माजी जिल्हाध्यक्ष नागेश पाडवी माजी जिल्हा परिषद सदस्य किरसिंग वसावे, प्रताप वसावे, नितेश वळवी, आकाश वसावे, अशोक राऊत, धनसिंग वसावे आदींनी मार्गदर्शन केले. यावेळी मोठ्या संख्येने तालुक्यातील पदाधिकारी व कार्यकर्ते उपस्थित होते. यावेळी याहा मोगी देवीचे जन्मस्थळ असलेल्या देवगोई येथील मेळाव्यात माजी मंत्री आमदार डॉ. विजयकुमार गावित यांच्या प्रकृतीत सुधारणा होत असून ती अजून जलद गतीने व्हावी असे साकडे याहा मोगी चरणी घालण्यात आले. माजी मंत्री आमदार डॉ. विजयकुमार गावित यांचे ध्वनिमुद्रित केलेले संभाषण देखील कार्यकर्त्यांना ऐकविण्यात आले, यावेळी कार्यकर्त्यांना एकच आनंद झाला.