*पेन्शनर्स असोसिएशनच्या ठाणे शाखेच्या महिला विभागाचा कार्यक्रम संपन्न*
ठाणे(प्रतिनिधी):-गुढीपाडव्याच्या पूर्वसंध्येला आणि मार्च महिन्यात झालेल्या महिला दिनाचे औचित्य साधून बृहन्मुंबई महानगरपालिका पेन्शनर्स असोसिएशनच्या ठाणे शाखेच्या महिला विभागाच्या वतीने सेवानिवृत्त महिलांसाठी एक विशेष कार्यक्रम कापूरबावडी ठाणे पश्चिम येथे 18 मार्च 2026 रोजी शारदा काकडे, निशिगंधा गायकवाड, जयश्री गायकवाड, रेवती जोग, रेखा ताम्हाणेकर  यांच्या पुढाकाराने आयोजित करण्यात आला. मंजिरी जोशी यांनी ईशस्तवन केले. वंदना शिर्के यांच्या ओमकार साधनेने सुरुवात झालेल्या विविध सांस्कृतिक कार्यक्रमात रेखात ताम्हाणेकर, सविता गावंड, निला पतंगे, अरुंधती गाडगीळ, सुजाता जोशी, आशा साने, सुनंदा फडके, यांनी सहभाग घेतला. सेवानिवृत्तीनंतर विशेष उल्लेखनीय कामगिरी करणाऱ्या वंदना शिर्के, अलका जोशी, सुषमा भागवत यांना याप्रसंगी सन्मानित करण्यात आले. याप्रसंगी असोसिएशनच्या संयुक्त कार्यवाह प्रतिमा पवार उपस्थित होत्या. अध्यक्ष कमलाकर क्षीरसागर, कार्यवाह डॉ. मारुती नलावडे, महिला विभाग प्रमुख शिल्पा नाईक यांनी यथोचित मार्गदर्शन केले या कार्यक्रमाचे खुमासदार निवेदन निशिगंधा गायकवाड यांनी केले.