*कासार कोळवण येथे ‘क्रांती चषक 2826’ भव्य जिल्हास्तरीय  टेनिस बॉल क्रिकेट स्पर्धा*
संगमेश्वर(प्रतिनिधी):-तालुक्यातील कासार कोळवण येथे क्रांती क्रिकेट संघ वतीने भव्य खुली टेनिस बॉल जिल्हास्तरीय क्रिकेट स्पर्धा ‘क्रांती चषक 2026’ चे आयोजन करण्यात आले आहे. ही स्पर्धा 13 मे 2026 ते 15 मे 2026 या कालावधीत कासार कोळवण येथे पार पडणार असून सामन्यांचे थेट प्रक्षेपण युट्यूब लाईव्हद्वारे करण्यात येणार आहे. या स्पर्धेत प्रथम क्रमांकासाठी 50 हजार रुपये, द्वितीय 25 हजार रुपये, तृतीय क्रमांक 15 हजार रुपये आणि चतुर्थ क्रमांकासाठी 7 हजार रुपयांचे बक्षीस ठेवण्यात आले आहे. तसेच मॅन ऑफ द सिरीज, फायनल मॅन ऑफ द मॅच, बेस्ट गोलंदाज, बेस्ट फलंदाज, बेस्ट क्षेत्ररक्षक, बेस्ट यष्टिरक्षक व शिस्तबद्ध संघ यांसाठीही विशेष वैयक्तिक पारितोषिके देण्यात येणार आहेत.
स्पर्धेत सहभागी होण्यासाठी प्रवेश फी 5 हजार रुपये ठेवण्यात आली असून 3 हजार रुपये ॲडव्हान्स भरल्याशिवाय प्रवेश निश्चित केला जाणार नाही. प्रथम येणाऱ्या 24 संघांना प्राधान्य दिले जाणार आहे. सामने सकाळी 8 वाजता सुरू होतील व प्रत्येक सामना 4/3षटकांचा असेल. प्रत्येक सामना कम्पलसरी चेस पद्धतीने खेळवला जाणार आहे. प्रवेश स्वीकारण्याची अंतिम तारीख 31 मार्च 2026 असून प्रत्येक संघाने सामन्यापूर्वी किमान 30 मिनिटे अगोदर उपस्थित राहणे आवश्यक आहे. पंचांचा निर्णय अंतिम राहील व वाद केल्यास संबंधित संघ बाद करण्यात येईल, असे आयोजकांनी सांगितले.
स्पर्धेबाबत अधिक माहितीसाठी विजय करंबेळे (९८२१५३७७२७), धोंडू करंबेळे (९४२३८५६१०५), रोशन कदम (७०२०३३४९४४), मनमोहन करंबेळे (९४०४३३४२९७) व सुरज आलीम (८६६९१९८६१५) यांच्याशी संपर्क साधावा, असे आवाहन आयोजकांकडून करण्यात आले आहे.