*16 मार्चला जिल्हास्तरीय महिला लोकशाही दिन-एस. आर.पाटील*
नंदुरबार(प्रतिनिधी):-महिलांच्या तक्रारी, अडचणींची सोडवणूक शासकीय यंत्रणेकडून करण्यासाठी व समाजातील पिडीत महिलांना मार्गदर्शनाची सुविधा उपलब्ध व्हावी यासाठी दरमहा जिल्हास्तरीय महिला लोकशाही दिनाचे आयोजन करण्यात येत असून मार्च महिन्यात 16 मार्च, 2026 रोजी दुपारी 1 वाजता रंगावली सभागृह जिल्हाधिकारी कार्यालय नंदुरबार येथे जिल्हास्तरीय महिला लोकशाही दिनाचे आयोजन करण्यात आले आहे, असे सदस्य सचिव महिला लोकशाही दिन तथा जिल्हा महिला व बाल विकास अधिकारी एस. आर. पाटील यांनी एका शासकीय प्रसिद्धी पत्रकान्वये कळविले आहे.
महिला लोकशाही दिनात स्वत: उपस्थित राहावे किंवा https://meet.google.com/ber-wrvp-kmp  या लिंकवर दुपारी 1 ते 2 या वेळेत तक्रार मांडावी. तक्रार अथवा निवेदन वैयक्तिक स्वरुपाचे असावे, न्यायप्रविष्ठ प्रकरणे, आस्थापना विषयक, व सामुहिक तक्रार या विषयावरील अर्ज महिला लोकशाही दिनी स्विकारले जाणार नाहीत, असेही पाटील यांनी प्रसिद्धी पत्रकान्वये कळविले आहे.