*देवरे विद्यालयात स्त्री शक्तीचा जागर*
नंदुरबार(प्रतिनिधी):-तालुक्यातील धंगाई विधायक कार्य मंडळ म्हसदी संचलित आत्माराम धवळू देवरे माध्यमिक विद्यालय विखरण येथे जागतिक महिला दिनानिमित्त विविध कार्यक्रमांचे आयोजन करण्यात आले. कार्यक्रमाला प्रमुख अतिथी विद्यालयाच्या उपशिक्षिका एस. एच.गायकवाड व ए.एस.बेडसे यांनी भारताच्या आयर्न लेडी स्व.इंदिरा गांधी व भारताच्या विद्यमान राष्ट्रपती द्रोपदी मुर्मू यांना नमन करण्यात आले. विद्यार्थ्यांनी मनोगतातून भारतीय नारीशक्तीचे महत्व व्यक्त केले. विद्यालयातील विद्यार्थीनींनी राजमाता जिजाऊ क्रांतीज्योती सावित्रीबाई फुले, राणी लक्ष्मीबाई, डॉ.आनंदीबाई जोशी, किरण बेदी, पी.टी.उषा यांची वेशभूषेद्वारे भूमिका साकारत भारतीय नारीशक्तीचे महत्व अधोरेखित केले. कार्यक्रमाचे प्रमुख वक्त्या एस.एच. गायकवाड यांनी आपल्या व्याख्यानातून जागतिक महिला दिनाची पार्श्वभूमी व आजची नारी या विषयावर मार्गदर्शन केले. मुख्याध्यापक डी.डी.साळुंके यांनी विद्यार्थिनींना व विद्यालयातील उपशिक्षिका भगिनींना शुभेच्छा देत आपले मनोगत व्यक्त केले. कार्यक्रमाचे प्रास्ताविक डी.बी. भारती, सूत्रसंचालन सी.व्ही.नांद्रे,तर आभार एम.डी. नेरकर यांनी मानले. कार्यक्रम यशस्वीतेसाठी वाय. डी.बागुल,एम.एस.मराठे, व्ही.बी.अहीरे तसेच डी.बी. पाटील, एस.जी. पाटील, एच.एम. खैरनार यांनी संयोजन केले.