*नंदुरबार येथे "सशक्त परिचारिका म् सशक्त महिला.”  या विषयावर एकदिवसीय कार्यशाळा*
नंदुरबार(प्रतिनिधी):-जागतिक महिला दिनानिमित्त  नंदुरबार तालुका विधायक समिती संचालित श्रीमती. विमलताई रघुवंशी परिचारिका महाविद्यालय अणि   महाराष्ट्र परिचारिका परिषद यांच्या सहकार्याने "सशक्त परिचारिका  सशक्त महिला.” या विषयावर एकदिवसीय कार्यशाळेचे आयोजन करण्यात आले. सदरील कार्यशाळा संस्थेचे चेअरमन मा. चंद्रकांत रघुवंशी यांच्या दूरदृष्टीपूर्ण नेतृत्वाखाली तसेच उपाध्यक्ष मनोज़ रघुवंशी यांच्या मार्गदर्शनाखाली आयोजित करण्यात आली. कार्यक्रमाची सुरुवात दीपप्रज्वलनाने करण्यात आली. कार्यक्रमाच्या प्रमुख पाहुण्या म्हणून   नंदुरबार नगरपालिकेच्या  नगराध्यक्षा रत्ना चंद्रकांत रघुवंशी उपस्थित होत्या. तसेच मंचावर समन्वयक एम. एस. रघुवंशी, प्राचार्य भूषण ठोंबरे कार्यशाळेच्या समन्वयक प्राध्यापिका योगिनी ठोंबरे, तसेच महाराष्ट्र नर्सिंग परिषदेच्या निरीक्षक प्राजक्ता वळवी उपस्थित होते.
यावेळी नगराध्यक्षा  रत्ना रघुवंशी यांनी मार्गदर्शन करताना उपस्थित सर्व परिचारिकांना महिला दिनाच्या शुभेच्छा देत सांगितले की, आरोग्य व्यवस्थेत तसेच समाजामध्ये परिचारिकांची भूमिका अत्यंत महत्त्वाची आहे. रुग्णसेवा व समाज कल्याणासाठी त्या प्रामाणिकपणे कार्य करत आहेत. अशा कार्यशाळांमुळे महिलांच्या आरोग्य व कल्याणाबाबत अधिक माहिती मिळण्यास मदत होते. त्यांनी या उपक्रमासाठी संपूर्ण आयोजन समितीचे कौतुक केले.
कार्यशाळेदरम्यान विविध तज्ज्ञ वक्त्यांनी मार्गदर्शन केले. यामध्ये डॉ. आशा तिवारी (प्राध्यापक, एनटीव्हीएस लॉ कॉलेज), डॉ. ज्योती आर. ठाकूर, प्राचार्या गोखले नर्सिंग महाविद्यालय डॉ. मेलिसा फर्नांडिस SMBT इन्स्टिट्यूट ऑफ नर्सिंग, नाशिक, सहायक प्राध्यापिका मनीषा gavanje आणि प्रा. योगिनी सपकाळे यांनी विविध विषयांवर मार्गदर्शन केले. या कार्यशाळेत सुमारे 400 नोंदणीकृत परिचारिकांनी सक्रिय सहभाग नोंदवला.  कार्यक्रमाच्या यशस्वीतेसाठी महाविद्यालयाततील शिक्षक मधुर  वळवी, भूषण वळवी, अंजली तङवी, यांनी सहकार्य केले. सूत्रसंचालन रोशनी पाडवी यांनी केले आभार सोनल गावीत यांनी मानले. कार्यक्रमाचा समारोप राष्ट्रगीताने करण्यात आला.