*"आम्हाला गर्व हिंदुत्वाचा" या व्हाट्सअप ग्रुपतर्फे त्र्यंबकेश्वर येथील आधार तीर्थ आश्रमात विविध साहित्य भेट*
मुंबई(प्रतिनिधी):-"आम्हाला गर्व हिंदुत्वाचा" शिवसेना उद्धव बाळासाहेब ठाकरे या महाराष्ट्रातील शिवसैनिक सदस्य असलेला व्हॉट्स ॲप ग्रुपच्या माध्यमातून समाजसेवा अंतर्गत हिंदुहृदयसम्राट शिवसेनाप्रमुख श्रीमान बाळासाहेब ठाकरे यांच्या जयंती निमित्त सामाजिक 31 वा उपक्रम जिल्हा नाशिक, त्र्यंबकेश्वर येथील आधार तीर्थ या आश्रमात 22 फेब्रुवारी 2026 रोजी करण्यात आला. आधार तीर्थ या आश्रमातील मागणी नुसार अनाथ लहान मुलांना बसण्यासाठी 5 गार्डन बेंच, विविध प्रकारचे कडधान्य, लहान मुलांना खेळण्यासाठी क्रीडांगण साहित्य, भरपूर प्रमाणात शालेय वस्तू, लहान मुलांना कपडे, वेगवेगळ्या प्रकारचे बिस्कीट, फरसाण, गृह उपयोगी वस्तू अनाथ आश्रमास देण्यात आले. या कार्यक्रमासाठी महाराष्ट्रातून आलेले ग्रुपचे 50 सदस्य उपस्थित होते तसेच प्रमुख पाहुणे म्हणून दत्ता नाना गायकवाड (शिवसेना उपनेता नाशिक) सौ.स्वाती पाटील (महिला जिल्हा संघटीका नाशिक) महेश बडवे (उपजिल्हा प्रमुख नाशिक) (विभाग प्रमुख नाशिक) तसेच ग्रुपचे संस्थापक, संचालक संतोष पाटील, महेंद्र गुरव (संचालक) सुरेश वाडकर (अध्यक्ष) लवेश म्हात्रे (सेक्रेटरी) संदीप गुरव, भालचंद्र उकिर्डे, वासंती गोताड, प्रवीण कोरपे, सुजाता धारगळकर, सोनिया पाटील, दिलीप गावडे, संतोष झोळ, अनिल कांबळे, विलास चव्हाण तसेच विविध विभागातून आलेले ग्रुपचे 50 सदस्य उपस्थित होते.