*शिवजयंती निमित्त शिवसेना उबाठा गटातर्फे प्रतिमा पूजन व अन्नदान*
नंदुरबार(प्रतिनिधी):–आज तिथी प्रमाणे छत्रपती शिवाजी महाराजांची जयंती मोठ्या उत्साहात साजरा करण्यात आली. छत्रपती शिवाजी महाराज यांच्या जयंतीनिमित्त शिवसेना उबाठा गटातर्फे शहरातील महाराष्ट्र व्यायाम शाळा येथील कार्यालय येथे प्रतिमा पूजन व अन्नदान कार्यक्रमाचे आयोजन करण्यात आले. या कार्यक्रमात शिवभक्तांनी मोठ्या उत्साहाने सहभाग घेत छत्रपती शिवाजी महाराजांना अभिवादन केले.
कार्यक्रमाची सुरुवात छत्रपती शिवाजी महाराजांच्या प्रतिमेचे पूजन व पुष्पहार अर्पण करून करण्यात आली. यावेळी उपस्थित मान्यवरांनी शिवरायांची आरती करत अभिवादन केले तसेच पराक्रमाची व स्वराज्य स्थापनेच्या कार्याची आठवण करून देत त्यांच्या विचारांचे स्मरण केले. शिवाजी महाराजांनी दिलेला न्याय, शौर्य व स्वाभिमानाचा आदर्श समाजाने जपावा, असे आवाहनही करण्यात आले.
यावेळी नागरिकांसाठी अन्नदान कार्यक्रम राबविण्यात आला. अनेक नागरिकांनी या अन्नदानाचा लाभ घेतला. या कार्यक्रमाला शिवसेना उबाठा गटाच्या कार्यकर्त्यांनी स्वतः पुढाकार घेत अन्न वाटप करून समाजसेवेचा संदेश दिला. या कार्यक्रमाला शिवसेना उबाठा गटाचे जिल्हाप्रमुख पंडित माळी, उपजिल्हाप्रमुख डॉ हेमंत शर्मा, नंदुरबार तालुकाप्रमुख रमेश पाटील, अल्पसंख्यांक उपजिल्हाप्रमुख इम्तियाज पटेल, नवापूर तालुका प्रमुख कल्पित नाईक, युवासेना जिल्हाप्रमुख सागर पाटील, युवासेना शहर प्रमुख शेखर जाधव, शहर समन्वयक अक्षय श्रीखंडे, उपशहर प्रमुख रोहित मराठे, वाहतूक सेना प्रमुख खंडू माळी,  शेतकरी सेना प्रमुख निंबा पाटील, व्यापारी संघटना जिल्हाप्रमुख बापू पांडुरंग माळी, जिल्हा सचिव दिनेश सोनवणे, अल्पसंख्यांक आघाडीचे तालुकाप्रमुख रिजवान खान, कल्पेश वाघ, आकाश वळवी, जनक त्रिवेदी, पंकज माळी, विक्की मराठे, आनंद माळी, महेंद्र विजयसिंग गावित, महेंद्र अर्जुन गावित, जगदीश वसावे, संगीता माळी, वैशाली माळी, यासह पदाधिकारी, कार्यकर्ते तसेच परिसरातील नागरिक मोठ्या संख्येने उपस्थित होते. यावेळी शिवाजी महाराजांच्या जयघोषाने परिसर दणाणून गेला होता.