*नं.ता. वि.स., संचलित वैभव विद्यालय, वैजाली येथे डॉ. सी. व्ही.रामन यांच्या सन्मानार्थ राष्ट्रीय विज्ञान दिन साजरा*
नंदूरबार(प्रतिनिधी):-"राष्ट्रीय विज्ञान दिन साजरा" नं.ता. वि.स.,संचलित वैभव विद्यालय, वैजाली ता.शहादा जि.नंदुरबार येथे 28 फेब्रुवारी डॉ. सी. व्ही.रामन यांच्या सन्मानार्थ राष्ट्रीय विज्ञान दिन साजरा करण्यात आला. कार्यक्रमाच्या अध्यक्षस्थानी विद्यालयाचे मुख्याध्यापक डी. एस. माळी होते. विज्ञान दिनानिमित्त डॉ. सी. व्ही. रामन यांच्या कार्याविषयी माहिती विज्ञान शिक्षक अमोल चौधरी यांनी दिली तर विज्ञानामुळे देशाची प्रगती कशी झाली व विज्ञानाचे महत्त्व विज्ञान शिक्षिका श्रीमती एस.ओ.जयस्वाल यांनी सांगितली. अध्यक्षांनी दैनंदिन जीवनातील विज्ञानाचे महत्त्व विशद केले. तसेच शाळेमध्ये वैज्ञानिक कोडी व इ.6वी 7वी (लहान गट,)व इ.8वी व 9 वी (मोठा गट) यांच्यासाठी प्रश्नमंजुषा आयोजित करण्यात आली होती कार्यक्रमाचे आभार प्रदर्शन एस.के. पाटील यांनी केले. सदर कार्यक्रम यशस्वीतेसाठी जी. पी.पाटील, ए.आर. शेख, एच.आर. भोई,एस.एस.शिंपी,
श्रीमती.एस.आर. पाटील, एस.बी. परदेशी, ए. एस. परदेशी व शिक्षकेतर कर्मचाऱ्यांचे सहकार्य लाभले.