*चैतन्यनगर शिवमंदिर येथे महाशिवरात्रीची जय्यत तयारी ,14 क्विंटल फराळाची व्यवस्था*
नांदेड(प्रतिनिधी):-येथे विमानतळ रोडवर सूशोभित असे शिवमंदिर आहे. महाशिवरात्री ची मंदिर व्यवस्थापन समिती कडून जय्यत तयारी सुरू आहे. जवळपास 14 क्विंटल फराळाची व्यवस्था करण्यात येत आहे. सुमारे 50 हजार भाविक भक्त महाशिवरात्री उत्सवात सहभागी होत असतात. मंदिर समितीचे अध्यक्ष माधव पटने यांच्या मार्गदर्शनाखाली मंदिर समिती कार्यरत आहे.
15 फेब्रुवारी ला महा शिवरात्री असून हा उत्सव मोठ्या उत्साहाने साजरा केला जातो. नांदेड येथे चैतन्यनगर शिवमंदिर प्रसिद्ध आहे. येथे महाशिवरात्रीची जय्यत तयारी सुरू झाली असून गर्दी होणार आहे हे लक्षात घेऊन मंदिर व्यवस्थापन समितीने सर्व खबरदारी घेतली आहे. पोलिस प्रशासन भाविकांना दर्शन सुरळीत व्हावे यासाठी बंदोबस्त तैनात करणार आहे. महाशिवरात्री निमित्त दर्शनासाठी येणाऱ्या भाविकांसाठी फराळ देणार आहे. जवळपास 14 क्विंटल फराळाची व्यवस्था करण्यात येत आहे. मंदिर परिसरात विद्दुत दिवे लावून मंदिर झगमगाट केले आहे. चैतन्यनगर शिवमंदिर येथे महाशिवरात्रीची जय्यत तयारी करण्यात आली असून भाविकांनी दर्शनाचा लाभ घ्यावा असे आवाहन मंदिर समितीचे अध्यक्ष माधव पटने, प्रा प्रभाकर उदगीरे, नंदकुमार दुधेवाड, डॉ सुभाष हुरणे व विश्वस्त मंडळाने केले आहे. दरम्यान डॉ हुरने यांच्या मार्गदर्शनाखाली रक्तदान शिबिर आयोजित करण्यात आले आहे.