*वेरवली पंचक्रोशी शिक्षण मंडळाचे विविध पुरस्कार जाहीर*        
लांजा(प्रतिनिधी):-वेरवली पंचक्रोशी शिक्षण मंडळाच्या श्रीराम विद्यालय, तुकाराम पुंडलिक  शेटये कनिष्ठ महाविद्यालय व का.रा. कोळवणकर यामाहा ट्रेनिंग सेंटर मार्फत कला,  क्रीडा, शैक्षणिक, सामाजिक क्षेत्रामध्ये उत्कृष्ट कामगिरी करणाऱ्या व्यक्तींना देण्यात येणारे विविध पुरस्कार जाहीर करण्यात आले आहेत. या पुरस्काराचे वितरण बुधवार दिनांक 11 फेब्रुवारी रोजी केले जाणार आहे. पुरस्कार विजेत्यांची नावे पुढीलप्रमाणे जाहीर झाली असून कै.गंगाधर लाड जिल्हास्तरीय जीवनगौरव पुरस्कार विजय शिवराम बेर्डे, स्वर्गीय रमेश धोंडू डोळस जिल्हास्तरीय आदर्श प्राथमिक शिक्षक पुरस्कार  दीपक दत्ताराम नागवेकर, स्वर्गीय रमेश धोंडू डोळस जिल्हास्तरीय आदर्श माध्यमिक व उच्च माध्यमिक शिक्षक पुरस्कार शशांक उपशेटी, स्वर्गीय रमेश धोंडू डोळस जिल्हास्तरीय आदर्श समाजाभिमुख पत्रकारिता पुरस्कार  प्रमोद कोनकर, कै.मनोहर विठोबा कोकाटे, जिल्हास्तरीय उत्कृष्ट क्रीडापटू पुरस्कार अनिकेत चव्हाण, स्वर्गीय रमेश धोंडू डोळस जिल्हास्तरीय कला गौरव पुरस्कार धीरज साठविलकर, स्वर्गीय रमेश धोंडू डोळस जिल्हास्तरीय समाजसेवक पुरस्कार शरद वासुदेव चव्हाण, कै.का.रा कोळवणकर जिल्हास्तरीय उत्कृष्ट संस्था पुरस्कार जिजाऊ सामाजिक शैक्षणिक संस्था महाराष्ट्र, स्वर्गीय रमेश धोंडू डोळस तालुकास्तरीय आदर्श सरपंच पुरस्कार एस व्ही कदम, स्वर्गीय रमेश धोंडू डोळस तालुकास्तरीय आदर्श कर्मचारी पुरस्कार शशिकांत बाबल्या चव्हाण, कै. बाळशेठ कोळवणकर आदर्श शेतकरी वेरवली पंचक्रोशी स्तरीय पुरस्कार सूर्यकांत रघुनाथ सरदेसाई या पुरस्काराचे वितरण प्रियांका ढोले (तहसीलदार, तहसील कार्यालय, लांजा) निळकंठ बगळे (पोलीस निरीक्षक,लांजा) असित रेडीज (लेखक, दिग्दर्शक सिने अभिनेते) यांच्या प्रमुख उपस्थितीत व संतोष पडवणकर यांच्या अध्यक्षतेखाली संपन्न होणार आहे. या सर्व सत्कारमूर्तींचे कौतुक करण्यासाठी बहुसंख्येने उपस्थित राहावे असे आवाहन वेरवली पंचकोशी शिक्षण मंडळातर्फे करण्यात आले आहे.