*रत्नागिरी येथे श्री संत नरहरी सोनार जयंती उत्साहात साजरी*
रत्नागिरी(प्रतिनिधी):-बुधवार 4 फेब्रुवारी 2026 रोजी सायंकाळी 4 वाजता श्री.संत नरहरी सोनार जयंती निमित्त रत्नागिरी येथील नरहरी सोनार समाजाला भेट देण्यात आली. रत्नागिरी येथील सुप्रसिद्ध विठ्ठल मंदिरातील श्री.संत नरहरी सोनार यांचे मंदिर असून संत नरहरी सोनार यांच्या प्रतिमेला नतमस्तक होऊन ज्ञातीतील पदाधिकारी यांना शुभेच्छा देण्यात आल्या. यावेळी रत्नागिरी तालुक्याचे वैश्य वाणी समाजाचे अध्यक्ष राजन मलुष्टे, तेली समाजाचे जिल्हाध्यक्ष रघुवीर शेलार, त्वष्टा कासार ज्ञाती मंडळ रत्नागिरीचे अध्यक्ष अनिलजी पोटफोडे, सदस्य संकेत डेरे, कटबू समाजाचे महाराष्ट्र राज्याचे अध्यक्ष बी. टी. मोरे, नाभिक समाजाचे तालुकाध्यक्ष प्रकाश हातखंबकर, शिंपी समाजाच्या वतीने दादा ढेकणे, मराठा समाजाच्या वतीने राजन फाळके आदी मान्यवर उपस्थित होते. ज्ञाती ज्ञाती मधील सद्भाव, समता, बंधुता,  सामाजिक भावना वाढावी हा दृष्टिकोन ठेवून प्रत्येक समाजाच्या उत्सवाला इतर समाजाची प्रमुख मंडळीनी एकत्र येऊन भेट देणे हा या मागचा उद्देश आहे. यावेळी नरहरी सोनार समाजाच्या वतीने सुद्धा ज्ञाती बांधवांचा सत्कार करण्यात आला.