*कंजर भाट समाजातर्फे स्व. अजित पवार यांना श्रद्धांजली*
नंदुरबार(प्रतिनिधी):-कंजर भाट समाजाच्या वतीने उपमुख्यमंत्री स्व. अजित पवार यांना भावपूर्ण श्रद्धांजली वाहण्यात आली. यावेळी आयोजित श्रद्धांजली सभेत उपस्थितांनी स्व. अजित पवार यांच्या सामाजिक, राजकीय व जनहितकारी कार्याचा गौरवपूर्ण आढावा घेतला.स्व. अजित पवार यांनी समाजातील वंचित, उपेक्षित घटकांसाठी सातत्याने काम केले. सर्वसामान्यांच्या प्रश्नांसाठी ते नेहमीच आग्रही राहिले असून त्यांच्या कार्यातून सामाजिक समता, विकास आणि न्यायाची भावना दिसून येत होती.
या प्रसंगी त्यांच्या कार्याला व आठवणींना उजाळा देण्यात आला. स्व. अजित पवार यांचे कार्य आणि विचार पुढील पिढीने आत्मसात करावेत, असे आवाहन यावेळी करण्यात आले. श्रद्धांजली कार्यक्रमास कंजर भाट समाजाचे माजी राष्ट्रीय कार्याध्यक्ष व राष्ट्रवादी काँग्रेस पार्टीचे व्हीजेएनटी गटाचे माजी प्रदेश उपाध्यक्ष नरेश पवारसह पदाधिकारी व समाजबांधव मोठ्या संख्येने उपस्थित होते.