*माध्यमिक विद्यालय तुळाजा येथे युवादिन साजरा*
तळोदा(प्रतिनिधी):-तालुक्यातील माध्यमिक विद्यालय तुळाजा येथे मुख्याध्यापक उमेश पाटील यांच्या मार्गदर्शनाने
राजमाता जिजाऊ व स्वामी विवेकानंद जयंती उत्साहात साजरा करण्यात आली. या कार्यक्रमाचे अध्यक्ष
संदीप मोरे होते तर प्रमुख वक्ते म्हणून जि.प.कन्या शाळेचे ज्येष्ठ शिक्षक सोमवंशी होते तर प्रमुख पाहुणे म्हणून बी. आर. सी
तळोदाचे विषय शिक्षक गिरासे
होते. कार्यक्रमाच्या सुरुवातीला राजमाता जिजाऊ व स्वामी विवेकानंद यांच्या प्रतिमांचे पूजन मान्यवरांच्या हस्ते करण्यात आले.
यावेळी विद्यार्थ्याची भाषणे झाली
तसेच तुकाराम भील व विलास
मगरे यांनी आपले मनोगत व्यक्त केले.
कार्यक्रमाचे प्रमुख वक्ते सोमवंशी यांनी राजमाता जिजाऊ व स्वामी विवेकानंद यांच्या कार्याची माहिती दिली व सांगितले की विद्यार्थ्यांना
जीवनात यशस्वी होण्यासाठी शिक्षण,
जिज्ञासावृती व आत्मविश्वासाच्या जोरावर हव्या त्या गोष्टी प्राप्त करू
शकतात असे सांगितले. तसेच प्रमुख पाहुणे गिरासे यांनी स्वामी विवेकानंद यांच्या कार्याची माहिती दिली. शेवटी कार्यक्रमचे अध्यक्ष मोरे यांनी स्वामी विवेकानंद यांच्या शिकागो येथील प्रसंग सांगून त्यांच्यात असलेल्या अध्यात्म शक्तीचे दर्शन घडवले. या कार्यक्रमाचे सूत्रसंचालन राजेंद्र ढोडरे यांनी केले तर आभार राहुल साळुंखे यांनी मानले. या कार्यक्रमाला
यशस्वी करण्यासाठी सुदाम जांभोरे, विलास पाडवी, पंकज खेडकर, संतोष राठोड, मोहन वळवी तसेच सुबोध जावरे यांनी परिश्रम घेतले.