*श्रीमती प्यारीबाई ओसवाल विद्या मंदिरात वार्षिक गुणगौरव सोहळा व सांस्कृतिक कला महोत्सव उत्साहात संपन्न*
नंदुरबार(प्रतिनिधी):-येथील वेस्ट खान्देश भगिनी सेवा मंडळ धुळे संचलित, श्रीमती प्यारीबाई ओसवाल विद्यामंदिरात वार्षिक गुणगौरव सोहळा व सांस्कृतिक कला महोत्सव उत्साहात संपन्न झाला. कार्यक्रमाचे अध्यक्षस्थानी संस्थेच्या सचिव अँडव्होकेट अमृता अजमेरा तर प्रमुख पाहुणे म्हणून धुळ्याचे प्रसिद्ध उद्योगपती नमित मेहता, शहरातील नामांकित महिला उद्योजिका जया पोखरणा, शालेय समिती सदस्य मंजूबेन जैन, स्मिता चितलांगे,  सेवानिवृत्त मुख्याध्यापक जगन्नाथ पटेल, सेवानिवृत्त शिक्षिका शोभा रामोळे, शालेय व्यवस्थापन समितीचे अध्यक्षा जयश्री बोरसे, उपाध्यक्ष हेमंत परदेशी, परीक्षक डान्स टीचर भूमिका बच्छाव व कोरिओग्राफर धीरज कलाल, प्राचार्या राजश्री अहिरराव, बीसीए कॉलेज चे प्राचार्य राजपूत सर, बी.एड कॉलेजचे प्राचार्य संजय मराठे शाळेचे  मुख्याध्यापक राहुल मोरे हे उपस्थित होते. कार्यक्रमाच्या सुरुवातीला मान्यवरांच्या हस्ते सरस्वती पूजन व दीप प्रजनन करण्यात आले. त्यानंतर इयत्ता तिसरी व चौथीच्या विद्यार्थ्यांनी ईशस्तवन व स्वागत गीत म्हणून पाहुण्यांचे स्वागत केले. शाळेत वर्षभरात राबवलेल्या विविध स्पर्धा, विज्ञान प्रदर्शन, इयत्ता तिसरी व चौथीच्या विद्यार्थ्यांसाठी घेतलेल्या टॅलेंट सर्च परीक्षा, शालांतर्गत घेतलेल्या स्पर्धा, आदर्श वर्ग, आदर्श विद्यार्थी इ. स्पर्धेत प्राविण्य मिळवलेल्या विद्यार्थ्यांना मान्यवरांच्या हस्ते बक्षीस वितरण करण्यात आले. तसेच शाळेतील उत्कृष्ट कामगिरी करणाऱ्या शिक्षकांना त्यात
शिक्षक व  अधिकारी क्रीडा स्पर्धेत विभागस्तरावर गेलेले सुनील वानखेडे, शाम शिंदे, दुर्गेश चौधरी, एकही दिवस रजा न घेतलेले शिक्षक सुनील वानखेडे,
उत्कृष्ट सांस्कृतिक कार्यक्रम राबवलेले शिक्षक कुमुद शिंदे, सोनाली वळवी यांना मान्यवरांच्या हस्ते सन्मानचिन्ह देऊन गौरवण्यात आले. त्यानंतर सांस्कृतिक कला महोत्सवाच्या कार्यक्रमाला सुरुवात करण्यात आली. यावर्षीचा सांस्कृतिक कला महोत्सवात विविध प्रकारच्या थीम सादरीकरणातून देशातील संस्कृती आणि एकता दाखवण्यात आली होती. त्यात एकूण 20 कार्यक्रमांचे सादरीकरण करण्यात आले. त्यात एकूण 400 विद्यार्थ्यांनी सहभाग घेतला. चिमुकल्यांच्या विविध रंगारंग व आकर्षक कार्यक्रम अतिशय सुंदर सादरीकरणाने उपस्थित लोकांचे मन जिंकले. त्यात
लहान गटातून-
प्रथम साउथ सॉंग दुसरी ब द्वितीय जंगल थीम पहिली ड तृतीय कटपुतली
दुसरी अ उत्तेजनार्थ आदिवासी नृत्य, दुसरी क तर मोठ्या गटातून प्रथम छावा व जेठालाल, इयत्ता चौथी क व अ 
द्वितीय कृष्णलीला, इयत्ता तिसरी अ
तृतीय कांतारा, इयत्ता चौथी ड
उत्तेजनार्थ पुष्पा, इयत्ता तिसरी क
यांनी क्रमांक पटकाविले. त्यांना उपस्थित मान्यवरांच्या हस्ते ट्रॉफी देऊन अभिनंदन करत आनंद सोहळ्याचे कौतुक केले. कार्यक्रमास मोठ्या संख्येने पालक वर्ग उपस्थित होता.
कार्यक्रमाचे प्रास्ताविक मुख्याध्यापक राहुल मोरे, प्रमुख पाहुण्यांचा परिचय व सत्कार दुर्गेश चौधरी, सूत्रसंचालन शशिकांत निकम व संगीता लोहार  आभार कमलेश पाटील, कार्यक्रमाचे आयोजन सांस्कृतिक विभागाच्या कुमुद शिंदे यांनी केले कार्यक्रम यशस्वीतेसाठी सर्व शिक्षक शिक्षिका कर्मचारी यांचे सहकार्य लाभले.