*राज्यातील अंगणवाडी कर्मचाऱ्यांच्या खालील प्रलंबित मागण्या राज्य शासनाने तात्काळ सोडवून त्यांना न्याय द्यावा आमदार आमशा पाडवी यांना निवेदन*
नंदुरबार(प्रतिनिधी):-महाराष्ट्र राज्य अंगणवाडी कर्मचारी समन्वय समिती, राज्यातील अंगणवाडी कर्मचाऱ्यांच्या खालील प्रलंबित मागण्या राज्य शासनाने तात्काळ सोडवून त्यांना न्याय द्यावा. यासाठी महाराष्ट्र राज्य अंगणवाडी कर्मचारी समन्व्यय समितीच्या नेतृत्वाखाली नागपूर येथे विधानसभा हिवाळी अधिवेशन काळात अंगणवाडी कर्मचारी प्रतिनिधी धरणे आंदोलन करत शासनाचे लक्ष वेधणार आहेत. अशा आशयाचे निवेदन युवराज बैसाणे आणि रामकृष्ण बी.पाटील यांच्या मार्गदर्शनाखाली नंदुरबार जिल्ह्यातील अक्कलकुवाचे आमदार आमश्या पाडवी यांना शिष्टमंडळाने दिले. अंगणवाडी सेविका  मदतनीसांना शासकीय कर्मचाऱ्यांचा दर्जा देऊन त्यांना वेतन व भत्ते लागू करण्यात यावे. केंद्र सरकारने महागाईचा विचार करून अंगणवाडी कर्मचाऱ्यांच्या मानधनात भरीव वाढ करावी. सेविका मदतनीसांना कामावर आधारित प्रोत्साहन भत्ता न देता दरमहा मानधनाला सरसकट जोडण्यात यावा. सुप्रीम कोर्टाच्या आदेशानुसार अंगणवाडी सेविका मदतनीसांना ग्रॅच्युटी लागू करावी. अंगणवाडी सेविका मदतनीसांना सेवा समाप्तीनंतर दरमहा पेन्शन लागू करावी. FRS करतांना सेविकांना येणाऱ्या तांत्रिक अडचणी तातडीने दूर करण्यात याव्यात.
मुख्यमंत्री लाडकी बहीण योजनेच्या कामाचा थकीत मोबदला अदा करावा. अंगणवाडी सेविका मदतनीसांना पंधरा दिवसांऐवजीएक महिना उन्हाळी सुट्टी देण्यात यावा. अंगणवाडी कर्मचाऱ्यांच्या वरील मागण्या नागपूर अधिवेशनात उपस्थित करून त्या सोडविण्यासाठी प्रयत्न केला जाईल मी सदैव सेविका मदतनीसांच्या पाठीशी खंबीरपणे उभा असल्याचेही पाडवी यांनी शिष्टमंडळाला सांगितले.
शिष्टमंडळात श्रीमती संध्या पाटील, राजू पाटील, वकील पाटील, योगेश्वरी ठाकरे, कल्पना पाडवी, लता पाडवी, उमेरा मकरणी, अनिता पाडवी आदींनी सहभाग घेतला.