*प्रमोद तरळ यांना 'कोकण रत्न पदवी' पुरस्कार जाहीर*
मुंबई(प्रतिनिधी):-कोकणचा सर्वांगीण तसेच नियोजनबद्ध विकास व्हावा कोकणच्या सांस्कृतिक, पारंपरिक कलेचे जतन व्हावे मागासलेल्या जिल्ह्यांचा औद्योगिक विकास होऊन रोजगार, स्वयंरोजगाराला चालना मिळावी यासाठी 'स्वतंत्र कोकणराज्य अभियान' ही चळवळ कोकणासाठी स्वतंत्र राज्याचा दर्जा मिळावा यासाठी सातत्याने प्रयत्नशील आहे. या अभियानातर्फे कोकणातील विविध क्षेत्रात उल्लेखनीय कामगिरी करणाऱ्या गुणिजनांचा "कोकणरत्न पदवी" पुरस्कार देऊन सन्मानित करण्यात येणार आहे या पुरस्कारासाठी राजापूर तालुक्यातील तिवरे येथील प्रमोद अंतू तरळ यांच्या कार्याची दखल घेऊन अभियानाचे संस्थापक अध्यक्ष संजय कोकरे यांनी निवड केली आहे. या कार्यक्रमाला सचिन कळझुनकर उपस्थित राहणार आहेत, तरळ हे गेली 25 हून अधिक वर्षे पत्रकारिता, सामाजिक व शैक्षणिक क्षेत्रात कार्यरत असून रत्नागिरी जिल्ह्यातील विविध समस्या वृत्तपत्रातून शासन दरबारी मांडून उपेक्षित वंचित कोकणातील जिल्ह्यांना न्याय मिळावा यासाठी सातत्याने प्रयत्नशील असतात सदर पुरस्कार सोहळा शनिवार दि 13 डिसेंबर 2025 रोजी सायं 4 ते 6 या वेळेत मुंबई मराठी पत्रकार भवन आझाद मैदानाजवळ मुंबई येथे संपन्न होणार आहे या कार्यक्रमाला कोकणवासीयांनी बहुसंख्येने उपस्थित रहावे असे आवाहन अभियानाचे मुंबई अध्यक्ष धनंजय कुवेसकर, खजिनदार राजेन्द्र सुर्वे, नेते सुभाष राणे व मुख्य सल्लागार दिलीप लाड‌ यांनी केले आहे.