*रेवाळे परिवाराकडून समाजसेवक अमित रेवाळे यांच्या माध्यमातून आंगवलीत प्रथमच गणपती मखर सजावट स्पर्धा यशस्वीरित्या संपन्न*
देवरुख(प्रतिनिधी):-आंगवली (सोनारवाडी) येथे सामाजिक कार्यकर्ते अमित रेवाळे यांच्या पुढाकाराने प्रथमच गणपती मखर सजावट स्पर्धेचे आयोजन करण्यात आले. या स्पर्धेला गावकऱ्यांचा उत्स्फूर्त प्रतिसाद मिळून तब्बल  38 स्पर्धकांनी सहभाग नोंदवला. स्पर्धेचा बक्षीस वितरण सोहळा राकोजी देव निवासस्थान, गावकरवाडी येथे मोठ्या उत्साहात पार पडला. स्पर्धेतील प्रथम क्रमांक महेंद्र अनेराव, द्वितीय क्रमांक विजय गुरव, तृतीय क्रमांक शांताराम रेवाळे व  गणेश रेवाळे तर उत्तेजनार्थ गणेश बुधाजी रेवाळे व विजय रेवाळे आदी विजेते ठरले आहेत
या प्रसंगी राजकोजी युवा प्रतिष्ठानचे आधारस्तंभ व प्रमुख मार्गदर्शक संजय शंकर रेवाळे यांच्यासह महादेव दगडू रेवाळे, सुरेश गोविंद रेवाळे, बुधाजी दत्ताराम रेवाळे, विजय दत्ताराम रेवाळे, प्रकाश आत्माराम जाधव, जयवंत रेवाळे, गितेश गोपाळ कुल्ये, पारस प्रकाश कांगणे, तुषार रेवाळे, गणेश रेवाळे, चेतन रेवाळे, संकेत जाधव, तेजस रेवाळे, सुरज घाग आदी मान्यवर उपस्थित होते.
यावेळी संजय रेवाळे यांनी अमित रेवाळे यांच्या उपक्रमाचे मनःपूर्वक कौतुक करून सर्व उपस्थितांचे आभार मानले व कार्यक्रमाची सांगता केली.