*विद्यार्थ्यांना अंतराळ संशोधनाबद्दल अधिक माहिती मिळावी, या क्षेत्रात स्वारस्य निर्माण व्हावे तसेच विद्यार्थांना इस्त्रोची यथोगाथा कळावी, या उद्देशाने राज्यातील शंभर विद्यार्थ्यांना भारतीय अंतराळ संशोधन संस्थेस भेटीचा उपक्रम*
अक्कलकुवा(प्रतिनिधी):-राज्यातील विमुक्त जाती भटक्या जमाती आश्रम शाळा, विद्यानिकेतन शाळा, ऊसतोड कामगारांच्या शाळेतील निवासी विद्यार्थ्यांना अंतराळ संशोधनाबद्दल अधिक माहिती मिळावी या क्षेत्रात स्वारस्य निर्माण व्हावे तसेच विद्यार्थांना इस्त्रोची यथोगाथा कळावी या उद्देशाने राज्यातील शंभर विद्यार्थ्यांना भारतीय अंतराळ संशोधन संस्थेस भेटीचा उपक्रम शासना मार्फत राबवला जात आहे. या अनुषंगाने काठोबादेव शिक्षण प्रसारक मंडळ अक्राळे संचलित वि. जा.भ.ज कला व विज्ञान कनिष्ठ महाविद्यालयाचा इ .12 वी विज्ञान शाखेचा विद्यार्थी निलेश बंजारा याची इस्त्रो या अंतराळ संशोधन संस्थेस भेटीसाठी निवड झाली आहे. भारतीय अंतराळ संशोधन संस्था (ISRO) येथे भेट देण्यासाठी इतर मागास बहुजन कल्याण विभाग अंतर्गत झालेल्या परीक्षेत उल्लेखनीय यश मिळवत निलेशची ही निवड झाली आहे. या उल्लेखनीय यशाबद्दल संस्थेचे अध्यक्ष रोहिदास राठोड, संस्थेचे सचिव दिलीप राठोड, वि.जा.भ.ज माध्यमिक आश्रमशाळा व कनिष्ठ.महाविद्यालयाचे प्राचार्य. डी.के. पाटील, विजाभज प्राथमिक. आश्रमशाळेचे मुख्याध्यापक.जे.टी. पाटील, सर्व शिक्षक अधिक्षक, व शिक्षकेत्तर कर्मचाऱ्यांकडून अभिनंदन करण्यात आले. यामागे शासनाचा मुख्य उद्देश म्हणजे अंतराळ संशोधनाबद्दल जागरूकता, वैज्ञानिक दृष्टिकोन, नोकरीच्या संधी व सामाजिक विकास हा दिसून येतो. राज्यातून शंभर विद्यार्थ्यांची इस्त्रो भेटीसाठी निवड करण्यात आली असून नंदुरबार जिल्ह्यातील अक्राळे येथील एकमेव विद्यार्थ्यांची निवड झाली असल्याचे शालेय प्रशासनाकडून सांगण्यात आले.