*सन 2025-26 साठीचा वार्षिक गोळीबार सराव, 15 जुलै ते 17 जुलै 2025 या कालावधीत नंदुरबार शहरातील बिलाडी रोड, ईदगाह मैदानाजवळ*
नंदुरबार(प्रतिनिधी):-केंद्रीय औदयोगिक सुरक्षा बल, इकाई, एएसजी, जि.तापी, गुजरात यांचा सन 2025-26 साठीचा वार्षिक गोळीबार सराव 15 जुलै ते 17 जुलै 2025 या कालावधीत नंदुरबार शहरातील बिलाडी रोड, ईदगाह मैदानाजवळ, नंदुरबार येथे घेण्याबाबत जिल्हाधिकारी, नंदुरबार यांनी परवानगी दिली आहे. जिल्हाधिकारी, नंदुरबार यांचेकडील पत्र क्रमांक. 2025/कक्ष-2/ गोळीबार सराव आदेश/कावि-172, 14 जुलै 2025 अन्वये सदर प्रतिबंधित क्षेत्रात 15 जुलै ते 17 जुलै 2025 या कालावधीत गोळीबार सराव दरम्यान केंद्रीय औदयोगिक सुरक्षा बल पोलीस अधिकारी व अंमलदार यांच्या व्यतिरिक्त कोणासही प्रवेश करण्यास मनाई आदेश जारी केलेला आहे. त्याअनुषंगाने नंदुरबार जिल्हा व ईदगाह मैदानाजवळील भागातील नागरिकांना सूचित करण्यात येते की, 15 जुलै ते 17 जुलै 2025 दरम्यान नमुद गोळीबार सरावादरम्यान प्रतिबंधित क्षेत्रात/परिसरात नागरिकांनी फिरू नये, गुरे चारणारे गुराखी यांनी देखील या भागात येऊ नये, तसेच जिल्हाधिकारी, नंदुरबार यांनी जारी केलेल्या मनाई आदेशाचे पालन करावे.