*शताब्दी इन्स्टिट्यूट ऑफ फार्मसीच्या विद्यार्थ्यांचा आविष्कार झोनल स्तरावरील पोस्टरप्रेझेंटेशनमध्ये सहभाग*नंदुरबार(प्रतिनिधी):-नाशिक, येथील डॉ. बाबासाहेब आंबेडकर तंत्रशास्त्र विद्यापीठ (DBATU) अंतर्गत आयोजित आविष्कार 2026 या संशोधन उपक्रमाच्या झोनल स्तरावरील फेरीत शताब्दी इन्स्टिट्यूट ऑफ फार्मसी, बामडोद येथील विद्यार्थ्यांनी सहभाग नोंदविला. आर.जी.सपकाळ इन्स्टिट्यूट ऑफ फार्मसी, अंजनेरी, नाशिक येथे आयोजित या फेरीत विद्यार्थ्यांनी पोस्टर प्रेझेंटेशनच्या माध्यमातून आपले संशोधनविषयक विचार व संकल्पना सादर केल्या. या उपक्रमासाठी विद्यार्थ्यांना प्राध्यापिका जागृती शेवाळे आणि प्रज्ञा वळवी यांनी मार्गदर्शन केले. विद्यार्थ्यांच्या संशोधनवृत्तीला चालना देणे, वैज्ञानिक दृष्टिकोन विकसित करणे आणि नावीन्यपूर्ण कल्पनांना व्यासपीठ उपलब्ध करून देणे हा या उपक्रमाचा मुख्य उद्देश आहे.

विद्यार्थ्यांच्या या सहभागाबद्दल संस्थेच्या अध्यक्षा  श्रीमती योगिता गणेश पाटील, सचिव गणेश गोविंद पाटील आणि प्राचार्य डॉ. पंकज एम.चौधरी यांनी विद्यार्थ्यांचे कौतुक केले व त्यांच्या पुढील शैक्षणिक आणि संशोधनात्मक वाटचालीस शुभेच्छा दिल्या.