*सेवा संकल्प अभियान बक्षीस वितरण*
नंदुरबार(प्रतिनिधी):-पंतप्रधान नरेंद्र मोदींनी घटनात्मक पदावर 25 वर्षे पूर्ण केल्याप्रीत्यर्थ भारतीय जनता पार्टीतर्फे संपूर्ण देशात सेवा संकल्प अभियान सुरू आहे. गुजरात चे मुख्यमंत्री म्हणून 13 वर्षे आणि देशाचे पंतप्रधान म्हणून ते सलग 12 वर्षांपासून कार्यरत आहेत. त्यांच्या या संपूर्ण कार्यकाळात अनेक विकासकामे झालीत आणि सुरू आहेत. त्यांच्या उत्तुंग कार्यामुळे जगाच्या पटलावर भारताचे नाव आदराने घेतले जाते आहे. घटनात्मक पदावरील हा रौप्य महोत्सव साजरा करण्यासाठी या अभियानांतर्गत संपूर्ण देश भरात विविध कार्यक्रम सुरू आहेत.
नंदुरबार जिल्हा भाजप तर्फे विविध स्पर्धा व उपक्रम राबविण्यात आले. त्या अंतर्गत एकलव्य विद्यालयात चित्रकला स्पर्धा घेण्यात आली. या स्पर्धेत इयत्ता 5 वी ते 7 वीच्या एकूण 167 विद्यार्थ्यांनी सहभाग घेतला. या विद्यार्थ्यांचे प्रमाणपत्र देऊन कौतुक करण्यात आले. याप्रसंगी भारतीय जनता पार्टीच्या महिला मोर्चा जिल्हा अध्यक्ष डॉ समिधा नटावदकर, शहर अध्यक्ष सौ पद्मा परदेशी, भाजप शहर अध्यक्ष छोटू चौधरी, विद्यालयाचे मुख्याध्यापक धर्मेंद्र मराठे, पर्यवेक्षक टिका पाडवी उपस्थित होते. भाजपा जिल्हाध्यक्ष निलेश माळी यांनी यशस्वी विद्यार्थ्यांचे कौतुक केले. स्पर्धेचे संयोजन किरण डेहेणकर व अन्सार शेख यांनी केले. सूत्रसंचालन संतोष पाटील यांनी केले.