*शहादा येथे उपविभागीयस्तरीय वनहक्क समितीची बैठक संपन्न,पात्र लाभार्थ्यांना वनहक्क मान्यता*
नंदुरबार(प्रतिनिधी):-अनुसूचित जमाती व इतर पारंपरिक वननिवासी (वनहक्कांची मान्यता) अधिनियम अंतर्गत वनहक्क दाव्यांच्या अंमलबजावणीच्या अनुषंगाने नुकतीच शहादा येथे उपविभागीय स्तरीय वनहक्क समितीची महत्त्वाची बैठक पार पडली. ही बैठक उपविभागीय स्तरीय वनहक्क समितीचे अध्यक्ष तथा उपविभागीय अधिकारी  दीपक गिरासे आणि सदस्य सचिव तथा सहा. प्रकल्प अधिकारी देवेंद्र पाटील यांच्या प्रमुख उपस्थितीत आणि त्यांच्या दालनात संपन्न झाली. बैठकी दरम्यान प्राप्त झालेल्या वनहक्क दाव्यांची कागदपत्रे, उपलब्ध पुरावे व संबंधित अभिलेखांच्या आधारे सविस्तर पडताळणी करण्यात आली. पडताळणीअंती पात्र ठरलेल्या लाभार्थ्यांना नियमानुसार वनहक्काची मान्यता देण्याची कार्यवाही तात्काळ हाती घेण्यात आली.