*शताब्दी इन्स्टिट्यूटच्या विद्यार्थिनीची राज्यस्तरीय पुरस्कार सोहळ्यात प्रथम क्रमांकाची बाजी*
नंदुरबार(प्रतिनिधी):-शताब्दी इन्स्टिट्यूट ऑफ फार्मसी, बामडोद येथील विद्यार्थिनी उजमा अब्दुलसलाम मुल्ला यांनी National Pharmacy Welfare Association, India (NPWAI) यांच्या वतीने आयोजित राज्यस्तरीय पुरस्कार सोहळ्यात प्रथम क्रमांक (1st Rank) मिळवत संस्थेच्या शिरपेचात मानाचा तुरा रोवला. उजमा यांच्या या उल्लेखनीय यशामुळे शताब्दी इन्स्टिट्यूट ऑफ फार्मसीच्या नावलौकिकात भर पडली असून, त्यांच्या कामगिरीचे सर्व स्तरांतून कौतुक होत आहे.
मेहनत, जिद्द, सातत्य आणि उत्कृष्ट कामगिरीच्या जोरावर उजमा यांनी हे यश संपादन केले. राज्यस्तरीय व्यासपीठावर मिळविलेला प्रथम क्रमांक हा त्यांच्या गुणवत्तेची व समर्पणाची पावती मानली जात आहे. त्यांच्या या यशातून इतर विद्यार्थ्यांनाही प्रेरणा मिळाली असून, शैक्षणिक क्षेत्रात उल्लेखनीय कामगिरी करण्यासाठी विद्यार्थ्यांना नवी ऊर्जा मिळाली आहे. या अभिमानास्पद यशाबद्दल संस्थेच्या अध्यक्षा श्रीमती योगिता गणेश पाटील, सचिव गणेश गोविंद पाटील आणि प्राचार्य डॉ. पंकज एम. चौधरी यांनी उजमा अब्दुल सलाम मुल्ला यांचे अभिनंदन करून त्यांच्या यशाचे कौतुक केले. तसेच त्यांच्या पुढील शैक्षणिक व व्यावसायिक वाटचालीसाठी मनःपूर्वक शुभेच्छा दिल्या.