*देवरे विद्यालयात राष्ट्रीय क्रीडा दिनानिमित्त विविध स्पर्धांचे आयोजन*
नंदुरबार(प्रतिनिधी):-येथील श्री धंगाई विधायक कार्य मंडळ संचलित आत्माराम धवळू देवरे माध्यमिक विद्यालय विखरण विद्यालयात मेजर ध्यानचंद जयंती व राष्ट्रीय क्रीडा दिनानिमित्त आंतरशालेय कबड्डी, खो-खो, आणि रस्सीखेच, व्हॉलीबॉल, क्रिकेट तसेच देशी खेळांचे स्पर्धां उत्साहात पार पडल्या. कार्यक्रमाच्या अध्यक्षस्थानी  मुख्याध्यापक डी. डी. साळुंके तर प्रमुख पाहुणे क्रीडा विभाग प्रमुख व्ही.बी. अहिरे होते. अध्यक्ष प्रमुख पाहुणे शिक्षक बंधू- भगिनी व वर्ग प्रतिनिधींच्या हस्ते मेजर ध्यानचंद यांच्या प्रतिमेला पुष्पहार अर्पण करून अभिवादन करीत आरोग्य आणि सुदृढतेची सामूहिक शपथ घेतली. क्रीडा विभाग प्रमुख व्ही.बी. अहिरे यांनी प्रास्ताविकात राष्ट्रीय क्रीडा दिनाचे महत्त्व आणि मेजर ध्यानचंद यांच्या कार्याची माहिती दिली.अभ्यासा बरोबरच खेळही तितकाच महत्त्वाचा आहे.हे अधोरेखित केले. खेळातूनच नेतृत्व गुण व सांघिक भावना विकसित होते. मानसिक ताण कमी होतो. मोबाईलचा वापर टाळल्यामुळे डोळ्यांचे रक्षण होण्यासाठी खेळा आणि निरोगी रहा असे आव्हान मुख्याध्यापक डी.डी. साळुंके यांनी केले. स्पर्धांसाठी पंच म्हणून एस.एच. गायकवाड,एम.एस. मराठे,एम.डी. नेरकर, वाय.डी. बागुल, यांनी कामकाज पाहिले. कार्यक्रमाचे सुत्रसंचालन डॉ. आर.आर.बागुल तर आभार प्रदर्शन ए.एस. बेडसे यांनी केले.कार्यक्रमाच्या  यशस्वीतेसाठी एस. जी.पाटील, एच.एम. खैरनार आदींनी संयोजन व सहकार्य केले.