*आदिवासी पारंपारिक वाद्य वाजविणाऱ्या आदिवासी कलाकारांचे,अक्कलकुवा तालुका आदिवासी रूढी परंपरा जतन समितीच्या वतीने,सन्मानपत्र देऊन गौरव*
अक्कलकुवा(प्रतिनिधी):-अक्कलकुवा तालुक्यातील आदिवासी पारंपारिक वाद्य वाजविणाऱ्या आदिवासी कलाकारांचे अक्कलकुवा तालुका आदिवासी रूढी परंपरा जतन समितीच्या वतीने अध्यक्ष नागेश पाडवी यांच्या हस्ते सन्मानपत्र देऊन गौरव करण्यात आला यावेळी सरपंच जयमलसिंग पाडवी, भूपेंद्र पाडवी, किसन नाईक, नरेश पाडवी, चंपाबाई पाडवी आदी प्रमुख उपस्थितीत होते. अक्कलकुवा तालुक्यातील आदिवासी पारंपारिक वाद्य ढोल, पेटी, तबला, यांसह विविध प्रकारचे पारंपारिक वाद्य वाजविणाऱ्या कलाकारांचे आदिवासी रूढी परंपरा जतन समितीच्या वतीने मानपत्र देऊन अक्कलकुवा येथे आयोजित कार्यक्रमात गौरव करण्यात आला. या कलाकारांना समितीचे अध्यक्ष नागेश पाडवी यांच्या हस्ते सन्मानपत्र देण्यात आले यावेळी बोलताना नागेश पाडवी यांनी सांगितले की, गेल्या अनेक वर्षांपासून या कलाकारांनी पारंपारिक वाद्य वाजविण्यातून आदिवासी संस्कृतीचे जतन केले असून हे कलाकार निस्वार्थपणे समाजासाठी आपले योगदान देत असताना, त्यांच्याकडे दुर्लक्ष करून चालता येणार नाही त्यांच्या यथोचित सन्मान करून आदिवासी रूढी परंपरांना टिकवून ठेवण्यासाठी त्यांचे योगदान लक्षात घेता त्यांचा गुणगौरव करणे खऱ्या अर्थाने सामाजिक दायित्वाची सकारात्मक भावना जपणे आहे.