*शताब्दी इन्स्टिट्यूट ऑफ फार्मसीमध्ये स्वातंत्र्य दिन उत्साहात साजरा* 
नंदुरबार(प्रतिनिधी):-शकुंतला पाटील बहुउद्देशीय संस्थेच्या शताब्दी इन्स्टिट्यूट ऑफ फार्मसी, बामदोड, नंदुरबार येथे स्वातंत्र्य दिन मोठ्या उत्साहात व देशभक्तीपूर्ण वातावरणात साजरा करण्यात आला. कार्यक्रमाची सुरुवात महाविद्यालयाचे प्राचार्य डॉ. पंकज एम. चौधरी यांच्या शुभहस्ते ध्वजारोहणाने झाली. राष्ट्रध्वज फडकविल्यानंतर उपस्थितांनी राष्ट्रध्वजाला मानवंदना देत राष्ट्रगीत गायले.                                   
यावेळी स्वातंत्र्य लढ्यातील स्वातंत्र्य सैनिकांच्या त्याग, शौर्य आणि बलिदानाचे स्मरण करून त्यांना अभिवादन करण्यात आले. विद्यार्थ्यांनी देशभक्तीपर घोषणांनी परिसर दुमदुमून टाकला. स्वातंत्र्य दिनाचे महत्त्व, राष्ट्रीय एकात्मता, सामाजिक बांधिलकी आणि राष्ट्रनिर्मितीमध्ये युवकांची भूमिका याबाबत विद्यार्थ्यांना मार्गदर्शन करण्यात आले.
प्राचार्य डॉ. पंकज एम. चौधरी यांनी आपल्या मनोगतात विद्यार्थ्यांनी स्वातंत्र्याचे महत्त्व समजून घेत शिक्षण, शिस्त, प्रामाणिकपणा आणि सामाजिक जबाबदारीची जाणीव ठेवावी, असे आवाहन केले. ज्ञान व कौशल्याच्या माध्यमातून देशाच्या प्रगतीत योगदान देणे ही प्रत्येक विद्यार्थ्याची जबाबदारी असल्याचे त्यांनी नमूद केले. संस्थेच्या अध्यक्षा श्रीमती योगिता गणेश पाटील आणि सचिव गणेश गोविंद पाटील यांनी स्वातंत्र्य दिनाच्या कार्यक्रमाचे कौतुक केले. कार्यक्रमाचे उत्कृष्ट नियोजन, विद्यार्थ्यांचा उत्स्फूर्त सहभाग आणि देशभक्तीपूर्ण वातावरण निर्माण केल्याबद्दल त्यांनी प्राचार्य, प्राध्यापक, शिक्षकेतर कर्मचारी व विद्यार्थ्यांचे अभिनंदन केले.