*के.आर. पब्लिक स्कूलमध्ये स्वातंत्र्यदिन उत्साहात साजरा*
नंदुरबार(प्रतिनिधी):-कन्हैयालाल रावजीभाई पब्लिक स्कूल, नंदुरबार येथे 15 ऑगस्ट स्वातंत्र्यदिनाचा सोहळा अत्यंत उत्साहपूर्ण व देशभक्तीमय वातावरणात मोठ्या दिमाखात साजरा करण्यात आला.कार्यक्रमाच्या प्रमुख पाहुण्या संस्थेच्या संचालिका सौ. केतकी वाणी होत्या. कार्यक्रमाच्या अध्यक्षस्थानी संस्थेचे अध्यक्ष किशोर वाणी होते. अतिथी सौ. सपना खंडेलवाल, अतिथी अशोक शाह, सौ. उमा वाणी, सौ. सुमन सिंह व उपाध्यक्ष सिद्धार्थ वाणी, प्राचार्या डॉ. छाया शर्मा, सर्व समन्वयक, शिक्षक व शिक्षकेतर कर्मचारी मोठ्या संख्येने उपस्थित होते.
ध्वजारोहणानंतर विद्यार्थ्यांनी देशभक्तीपर गीत, संगीत, नृत्य, रोप स्किपिंग तसेच विविध सांस्कृतिक कार्यक्रमांचे आकर्षक सादरीकरण केले. विद्यार्थ्यांच्या प्रत्येक कलाविष्काराला उपस्थितांनी उत्स्फूर्त दाद दिली. देशभक्तीने भारावलेल्या वातावरणामुळे संपूर्ण परिसर राष्ट्रप्रेमाच्या भावनेने दुमदुमून गेला. यावेळी अध्यक्ष किशोर वाणी यांनी विद्यार्थ्यांना राष्ट्रप्रेम, शिस्त, परिश्रम आणि सामाजिक जबाबदारी यांचे महत्त्व पटवून देत प्रेरणादायी मार्गदर्शन केले. त्यांनी विद्यार्थ्यांनी देशाच्या प्रगतीसाठी योगदान देण्याचा संकल्प करावा, असे आवाहन केले. कार्यक्रमाचे यशस्वी आयोजन विद्यालय  शिक्षकवृंद आणि विद्यार्थ्यांच्या सहकार्याने करण्यात आले. उपस्थित पालक व मान्यवरांनी कार्यक्रमाचे विशेष कौतुक केले.