*अश्वत्थामा माध्यमिक विद्यालय ब्रि.अंकुशविहीर येथे, 9 ऑगस्ट जागतिक आदिवासी गौरव दिवस उत्साहात साजरा*
अक्कलकुवा(प्रतिनिधी):-अक्कलकुवा तालुक्यातील अश्वत्थामा माध्यमिक विद्यालय ब्रि. अंकुशविहीर येथे 9 ऑगस्ट जागतिक आदिवासी गौरव दिवस उत्साहात साजरा करण्यात आला यावेळी कार्यक्रमाच्या अध्यक्षस्थानी विद्यालयाचे मुख्याध्यापक डाॅ. जे.के.वळवी हे होते तर प्रमुख पाहुणे म्हणून पुजारा रविदास महाराज, गंभिरसिंग वसावे, फुलसिंग वळवी हे होते. कार्यक्रमाच्या सुरुवातीस कुलदैवत याहामोगी माता, भगवान बिरसा मुंडा, क्रांतिवीर खाज्या नाईक, तंट्या भील यांच्या प्रतिमेचे पुजन करून अभिवादन करण्यात आले त्यानंतर गावात रॅली काढण्यात आली यावेळी विद्यार्थ्यांनी आदिवासी गौरव दिनानिमित्त विविध घोषवाक्यद्वारे घोषणा देऊन आदिवासी समाजातील शैक्षणिक, आरोग्य, अज्ञान याबाबत जनजागृती केली यावेळी विद्यालयातील अनेक विद्यार्थ्यांनी भाषणे दिली. तसेच डाॅ.जे.के. वळवी, यु.आर. सोनवणे, यांनीही मनोगत व्यक्त केले. यावेळी पर्यवेक्षक व्ही.के. पाटील, वरिष्ठ शिक्षक पी.एच. चव्हाण, डि.आर. काकुळते, एम.ए. सामुद्रे, एम.एस. मराठे, ए.पी. नवले, जे.आर. सोनवणे, किसन पाडवी, नम्रता माळी, वाय.एस. मराठे, छोटू नवाळे, सुरेश पाडवी, देवेंद्र भामरे, विजया मराठे, माधवी उगले आदी उपस्थित होते. कार्यक्रमाचे प्रास्ताविक के. आ.पाडवी यानी केले तर सुत्रसंचालन पी. ए.तडवी यांनी व आभार प्रदर्शन प्रकाश चव्हाण यांनी केले.