*आ.किरण सामंत यांच्यामुळे मिळाली बल्लाळ गणेश देवस्थानला हायमास्ट लाईट*
लांजा(प्रतिनिधी):-आमदार किरण सामंत यांच्या प्रयत्नाने ग्रामीण यात्रा स्थळ विकास योजनेअंतर्गत 25-26 या वर्षांमध्ये बल्लाळ गणेश देवस्थान प्रभानवल्ली येथे हायमास्ट लाइट्स बसवण्यात आले, या कामाचा सातत्याने पाठपुरावा पंचायत समिती सदस्य दादा पत्की यांनी केला. किरण सामंत व दादा पत्की यांचे बल्लाळ गणेश देवस्थान व्यवस्थापन समितीने आभार मानले आहेत. मंदिर परिसराचे सुशोभीकरण करून, मुलांसाठी गार्डन व भक्तांसाठी भक्तनिवास. आणि कार्यक्रमांसाठी सांस्कृतिक हॉल अशा मागण्यांसाठी किरण सामंत यांच्याशी पत्राव्यवहार केला असून सार्वजनिक बांधकाम खात्यातर्फे त्याचे प्रस्ताव ही पर्यटन विभागाला गेले आहेत. खोरनीनको  धरण, माचाळ, बल्लाळ गणेश देवस्थान, प्रभानवल्ली, विशाळगड हे पर्यटनासाठी एकमेकांना जोडले गेले तर काहीना रोजगार उपलब्ध होऊ शकतात. असे माजी जिल्हा परिषद सदस्य व बल्लाळ गणेश देवस्थानचे अध्यक्ष अमोल रेडीज यांनी सांगितले.